Māteo 26:5 - Rapa Nui

⁵ ꞌE tētahi o rāua e kī era: «ꞌIna ko ꞌa-ꞌaru ꞌi te ŋā mahana ena o te ŋoŋoro, ꞌo tātake ꞌe ꞌo moto te taŋata».

Māteo 26:5 Iomraidhean Croise

Māteo 14:5

A ꞌErore e haŋa rō ꞌā mo tiŋaꞌi i a Iovani. Te meꞌe nō, e riꞌa-riꞌa rō ꞌā ꞌi te nuꞌu; taꞌatoꞌa nō, paꞌi, e manaꞌu era a Iovani he perofeta.

Māteo 21:26

ꞌE, e ko tano tātou mo kī: “O te taŋata i uŋa mai”. E riꞌa-riꞌa rō ꞌana, paꞌi, a tātou ꞌi te nuꞌu; a rāua taꞌatoꞌa e manaꞌu ena a Iovani he perofeta».

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Marko 14:12

ꞌI te mahana raꞌe o te ŋoŋoro kai i te haraoa ꞌina he revaura, he mahana tiŋaꞌi i te māmoe mo te Pakate, he ꞌui e tāꞌana nuꞌu hāpī ki a Ietū: —¿ꞌI hē mātou ana aŋa i te tātou kai mo te Pakate?

Marko 14:2

I ai rō tētahi o rā nuꞌu i kī mo taꞌe ꞌa-ꞌaru ꞌi rā ŋā mahana era o te ŋoŋoro ꞌo tātake ꞌe ꞌo moto te taŋata.

Marko 14:27

ꞌI te ara he kī e Ietū: —A kōrua taꞌatoꞌa he haka rehu i a au ꞌi te pō nei. Pē ira, paꞌi, e hāꞌaki ena ꞌi ruŋa i te Pāpaꞌi Moꞌa ꞌi te vānaŋa kī e te ꞌAtua pē nei ē: “E tiŋaꞌi rō a au i te taŋata hāpaꞌo māmoe, ꞌe he maraŋa tahi tāꞌana māmoe”.

Ruka 20:6

ꞌE, e ko tano mo kī o tātou: “O te taŋata i uŋa mai”, ꞌo tamaꞌi mai e te nuꞌu hai māꞌea ki te mate. Ki te rāua manaꞌu, paꞌi, a Iovani he perofeta».

Ruka 22:7

I tuꞌu era te mahana o te ŋoŋoro kai i te haraoa ꞌina he revaura, he mahana mo tiŋaꞌi i te māmoe mo rā ŋoŋoro,

Iovani 18:28

He maꞌu ia i a Ietū mai te hare o Kaifā ki te hare o Pirato, he suerekao rōmano. I tuꞌu era ko hāhine ꞌana mo ꞌōtea. Te nuꞌu hūrio, ꞌo hape ki te rāua haka tere iŋa o ruŋa i te haka maꞌitaki ꞌe ꞌo taꞌe tano mo kai i te kai o te Pakate, kai uru ki roto.

Aŋa o te ꞌĀpōtoro 19:29

Kai roa he ꞌite te nuꞌu taꞌatoꞌa o rā kona o ruŋa i tū meꞌe era ꞌe he mira-mira rō atu ꞌai te manaꞌu. He ꞌa-ꞌaru ia i a Kāio ararua ko Aritarako, he ŋāŋata o Mātērōnia oho ꞌi muri i a Pauro, he to-toi he oho ki te kona nui-nui e tahi aŋa mo taka-taka o te taŋata.

Aŋa o te ꞌĀpōtoro 21:38

¿Taꞌe ꞌō koe he ehipto haka tumu era i te ture ꞌi muꞌa ꞌā oho ki roto i te kona ꞌone taꞌe noho taŋata e maꞌu rō ꞌā e maha taꞌutini taŋata taparahi-taꞌata mo te tamaꞌi?

Aŋa o te ꞌĀpōtoro 4:28

Hai rā meꞌe i haka tano ai a rāua i te meꞌe taꞌatoꞌa kī e koe mo topa.