Māteo 26:11 - Rapa Nui

¹¹ Te nuꞌu veve e ko ŋaro mai muri i a kōrua ki te hora hopeꞌa, ꞌe a au e ko noho e ko oho nō atu ꞌi muri i a kōrua.

Māteo 26:11 Iomraidhean Croise

Māteo 18:20

Mo taka-taka e rua ꞌo e toru taŋata hai ꞌīŋoa ōꞌoku, ꞌi vāeŋa o rāua a au.

Māteo 26:10

He ꞌite e Ietū ꞌe he kī: —¿He aha kōrua e hēŋuꞌi-ŋuꞌi ena mo te viꞌe nei? ꞌĪ e aŋa mai ꞌā i te meꞌe riva-riva mōꞌoku.

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Marko 14:7

Te nuꞌu veve e ko ŋaro mai muri i a kōrua ki te hora hopeꞌa. Hora nō era o kōrua i haŋa e tano nō mo hāꞌūꞌū ki a rāua. ꞌE, a au e ko noho e ko oho nō atu ꞌi muri i a kōrua.

Iovani 12:8

Te nuꞌu veve e ko ŋaro mai muri i a kōrua ki te hora hopeꞌa; ꞌe, a au e ko noho e ko oho nō atu ꞌi muri i a kōrua.

Iovani 13:33

»E kuā ŋā poki ꞌāꞌaku ē, e ko noho haka ꞌou atu a au ꞌi muri i a kōrua. E kimi rō mai kōrua. ꞌE pa he meꞌe kī e au ki te nuꞌu ⌊hūrio⌋ ra-rahi ka kī takoꞌa atu ena a au ꞌi te hora nei: e ko tuꞌu atu kōrua ki te kona nei ōꞌoku ka oho nei.

Iovani 14:19

Mahana taꞌe rahi nō te mahana toe mo takeꞌa i a au e te nuꞌu o te ao nei taꞌe haka moe i te manaꞌu ꞌi ruŋa i a au. Mo kōrua nō a au e takeꞌa, ꞌe he ora kōrua ꞌi te ai e ora rō ꞌana a au.

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 16:5

Hora nei he hoki a au ki te kope ꞌāꞌana a au i uŋa mai, ꞌe ꞌina ꞌā e tahi o kōrua i ꞌui mai ki hē au ka oho nei.

Iovani 17:11

»E ko noho haka ꞌou au ꞌi te ao nei; ko rāua te meꞌe ka noho ena. He hoki atu a au ki muri i a koe. E Koro Moꞌa ē, e hāpaꞌo koe i a rāua hai pūai ena ōꞌou, pūai vaꞌai mai era e koe, mo riro o rāua e tahi mau nō pē tātou.

Aŋa o te ꞌĀpōtoro 3:21

»ꞌE mo te hora nō nei a Ietū Kiritō ana noho ꞌi te raŋi ꞌātā ki te haka riva-riva iŋa e te ꞌAtua i te meꞌe taꞌatoꞌa, pa he meꞌe haka ꞌite mai hai tāꞌana ŋā perofeta era o muꞌa ꞌā.

Karatia 2:10

Te meꞌe mo taꞌe rehu nō i a māua i kī mai ai: mo hāꞌūꞌū ki te nuꞌu veve o Hērutarema, he meꞌe ko manaꞌu era ꞌana e au mo aŋa.

1 Iovani 3:17

Kope nō era e ai rō ꞌā tōꞌona hauhaꞌa o te ao nei, ꞌe he takeꞌa i tōꞌona taina e ai rō ꞌana tāꞌana meꞌe hape ꞌe ꞌina he hāꞌūꞌū, ¿e ai mau rō ꞌana hō i a ia te haŋa o te ꞌAtua mo te rua?