Māteo 24:7 - Rapa Nui

⁷ Te nuꞌu o te henua e tahi e moto rō ki te nuꞌu o te rua henua, ꞌe he tamaꞌi te ꞌariki o te kona e tahi ki te ꞌariki o te rua kona. ꞌE meꞌe rahi kona he maruaki ꞌe he mākenu-kenu te henua.

Māteo 24:7 Iomraidhean Croise

Ruka 21:11

He mākenu-kenu te henua, ꞌe meꞌe rahi nō atu kona he ai te maruaki ꞌe te māui-ui, ꞌe he takeꞌa te meꞌe taparahi-taꞌata ꞌe te taipe nui-nui ꞌi ruŋa i te raŋi.

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

Aŋa o te ꞌĀpōtoro 2:19

E haka takeꞌa rō e au a ruŋa i te raŋi i te meꞌe nui-nui; ꞌe ꞌi ruŋa i te henua he toto, he ahi ꞌe he ꞌau.

ꞌEvereo 12:27

Te auraꞌa o tāꞌana vānaŋa kī era «he haka rurū haka ꞌou»: he haka kore i te meꞌe taꞌatoꞌa aŋa e ia o te ao nei, ki noho ai te meꞌe mau era o te raŋi, he meꞌe mo taꞌe ŋaro ki te hora hopeꞌa.

Meꞌe Haka Takeꞌa 6:12

I kume era e te Māmoe i te ono tāmaꞌu, he uꞌi atu a au ko mākenu-kenu tahi ꞌana te henua. Te raꞌā he ꞌuri-ꞌuri rō atu ꞌai, pa he kahu uru o te hove, ꞌe te māhina he mea-mea pa he toto.

Meꞌe Haka Takeꞌa 6:5

I kume era e te Māmoe i te toru tāmaꞌu, he ŋaroꞌa e au i te toru o tū ŋā meꞌe ora era e hā ka kī: «¡Ka oho mai!». He uꞌi atu a au ko te hoi ꞌuri-ꞌuri e tahi, ꞌe ꞌi te rima o te kope eke o ruŋa te hāito.

Meꞌe Haka Takeꞌa 6:6

ꞌE mai te vāeŋa o tū ŋā meꞌe ora era e hā i ŋaroꞌa ai e au i te reꞌo e kī ꞌana: «E tahi mau nō kiro tariko mo te moni aŋa o te mahana e tahi, ꞌe e toru kiro sevara mo tū moni ꞌā; ꞌe ꞌina ko tōtōā i te tumu ꞌōrivo ꞌe i te tumu vino».

Meꞌe Haka Takeꞌa 6:8

He uꞌi atu a au he hoi tōuamāmari e tahi, ꞌe te kope eke o ruŋa te ꞌīŋoa ko Mate. ꞌI tuꞌa ōꞌona e oho era te kope e tahi o te kona ko ꞌAre te ꞌīŋoa, he kona o te nuꞌu mate. I oho era he vaꞌai ki te ŋā kope nei i te parau mo tiŋaꞌi mo haka mate e tahi ꞌapa o te ꞌapa e hā o te taŋata taꞌatoꞌa o te ao hai tamaꞌi, hai maruaki, hai māui-ui ꞌe hai manu taehae.