Māteo 24:6 - Rapa Nui

⁶ »E ŋaroꞌa rō e kōrua i te parau ꞌāpī o te tamaꞌi o henua nei o henua era; ꞌe, ꞌina ko riꞌa-riꞌa. He topa mau ꞌā te meꞌe era, ꞌe, ka ai atu pē ira, kai hāhine ꞌā te hopeꞌa o te ao nei.

Māteo 24:6 Iomraidhean Croise

Māteo 2:3

I ŋaroꞌa era e te ꞌariki ko ꞌErore i rā parau ꞌāpī, he veveri he taꞌe au, ꞌe pē ira takoꞌa ꞌana te taŋata taꞌatoꞌa o ira.

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Māteo 26:54

Mo aŋa ōꞌoku pē ira, ¿pē hē ia ana haka tano te meꞌe hāꞌaki ꞌi ruŋa i te Pāpaꞌi Moꞌa kī pē ira ana topa?

Ruka 21:19

ꞌO ira, e haka noho nō te kōrua manaꞌu ꞌi ruŋa i a au ki ravaꞌa ai e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 21:9

Ka ŋaroꞌa ena kōrua i te parau ꞌāpī ꞌo ruŋa i te tamaꞌi ꞌe o te nuꞌu haka tumu i te ture ki te rāua nuꞌu ra-rahi, ꞌina kōrua ko riꞌa-riꞌa; ꞌi raꞌe, paꞌi, te ŋā meꞌe nei ka topa ena. Ka ai atu pē ira, e ŋeꞌi rō te tuꞌu iŋa mai o te hopeꞌa o te ao nei.

Ruka 22:37

»ꞌĪ a au he kī atu: e tano rō te meꞌe kī ꞌi ruŋa i te ⌊Pāpaꞌi Moꞌa⌋ o ruŋa i a au pē nei ē: “I tataku rō ꞌi roto i te nuꞌu taparahi-taꞌata”. ꞌĒ-ē, e haka tano tahi rō rā ŋā meꞌe pāpaꞌi era o ruŋa i a au.

Iovani 14:1

«ꞌIna kōrua ko mana-manaꞌu ꞌo māui-ui te kōrua māhatu. Ka haka moe nō te kōrua manaꞌu ꞌi ruŋa i te ꞌAtua ꞌe ꞌi ruŋa i a au.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

2 Tētārōnika 2:2

Mo tuꞌu tāꞌue atu e tahi kope e kī rō ꞌā: ko haka takeꞌa ꞌana ki a ia e te ⌊Vārua Maitai⌋ e tahi meꞌe, ꞌo ko tuꞌu ꞌana te hāpī mai i a mātou, ka ai atu i vānaŋa ꞌo i pāpaꞌi, pē nei ē: ko hoki mai era ꞌā te tātou Pūꞌoko Haka Tere ko Ietū, he ani atu a mātou: ꞌina kōrua ko haka roŋo ꞌe ꞌina ko riꞌa-riꞌa.

Meꞌe Haka Takeꞌa 6:4

He eꞌa mai te hoi haka ꞌou e tahi, hoi mea-mea. ꞌE he vaꞌai ki te kope eke o ruŋa i rā hoi i te parau mo haka kore i te haumārū mai te ao, ki moto ai te taŋata ꞌe ki tīŋaꞌi-ŋaꞌi ai i a rāua. ꞌE he vaꞌai takoꞌa i te hoe roa-roa e tahi.