Māteo 24:10 - Rapa Nui

¹⁰ ꞌI rā ŋā mahana meꞌe rahi nuꞌu ka taꞌe haka moe haka ꞌou ena i te manaꞌu ꞌi ruŋa i te ꞌAtua; te taŋata e maꞌu rō i te riri mo te rua ꞌe e vaꞌai rō e te kope e tahi i te rua ki te rima o te taŋata taꞌe haŋa ki rā rua kope era.

Māteo 24:10 Iomraidhean Croise

Māteo 10:21

»ꞌI rā ŋā mahana, te taina he vaꞌai i tōꞌona taina ki te mate, ꞌe te matuꞌa i tāꞌana poki; ꞌe te ŋā poki he haka ꞌāriŋa ꞌe he vaꞌai takoꞌa i te rāua matuꞌa ki te mate.

Māteo 11:6

»¡ꞌE, ko te koa i te taŋata taꞌe haka tapa i tōꞌona haka moe iŋa i te manaꞌu mai ruŋa i a au!».

Māteo 13:21

Te meꞌe ꞌino nō, he haka moe i te rāua manaꞌu ꞌi ruŋa i rā roŋo mo te hora nō e tahi; ka riri era te nuꞌu mo rāua o ruŋa o te vānaŋa o te ꞌAtua ꞌo ka topa rō era te ꞌati ꞌi te hora haka ꞌatu i a rāua, he rehu rā roŋo, pa he taꞌe hio-hio iŋa o te aka ꞌi te kona ꞌōꞌone taꞌe rahi.

Māteo 13:57

ꞌE ꞌina he nuꞌu o tōꞌona kāiŋa i ⌊haka moe i te manaꞌu⌋ ꞌi ruŋa i a ia. He kī e Ietū: «ꞌIna e tahi perofeta moꞌa e tōꞌona huaꞌai ꞌe e te nuꞌu o tōꞌona kāiŋa. O te nuꞌu o te tētahi atu kona te moꞌa i a ia».

Māteo 24:11

He ai meꞌe rahi nō atu te perofeta reo-reo, ꞌe nuꞌu rahi te nuꞌu ka haka manaꞌu ena he parautiꞌa te rāua meꞌe kī.

Marko 13:12

»ꞌI rā ŋā mahana, e vaꞌai rō e te taina i tōꞌona taina ki te rima o te nuꞌu mo tiŋaꞌi mo mate, ꞌe pē ira ꞌana te matuꞌa i te rāua ŋā poki. ꞌE te ŋā poki e ꞌenemī rō mo te rāua matuꞌa ꞌe e vaꞌai rō ki te nuꞌu mo tiŋaꞌi mo mate.

Marko 4:17

Te meꞌe ꞌino nō, ꞌi te taꞌe raro nui o te aka, ꞌina he hio-hio. Ka riri era te nuꞌu mo rāua o ruŋa o te vānaŋa o te ꞌAtua ꞌo ka topa era te ꞌati, e ko haka noho haka ꞌou i te manaꞌu ꞌi ruŋa i te ꞌAtua.

Ruka 21:16

»ꞌI rā ŋā mahana ꞌātā te kōrua matuꞌa, taina, huaꞌai ꞌe repahoa he vaꞌai i a kōrua ki te rima o te nuꞌu taꞌe haŋa atu. ꞌE tētahi o kōrua e tiŋaꞌi e haka mate rō.

2 Timoteo 1:15

Ko ꞌite ꞌana koe: te nuꞌu taꞌatoꞌa o ꞌĀtia ko hoa ꞌana i a au, ꞌe ꞌi roto i rā nuꞌu a Fīkero ꞌe a ꞌEremōhene.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.

2 Timoteo 4:16

ꞌI te mahana maꞌu raꞌe era i a au mo ture ꞌi muꞌa o te nuꞌu ra-rahi o te rōmano, ꞌina e tahi kope i mataꞌite mōꞌoku; taꞌatoꞌa nō i hoa ai i a au. Pē hiva ꞌana te ꞌAtua ana taꞌe tapa atu, ꞌo haka ūtuꞌa i a rāua.