Māteo 22:3 - Rapa Nui

³ He uŋa ki tōꞌona tāvini hāꞌaki ki te nuꞌu era mo oho ki rā ŋoŋoro mo oho o rāua, ꞌe ꞌina rā ŋā nuꞌu kai haŋa.

Māteo 22:3 Iomraidhean Croise

Māteo 21:34

»I tano era te ꞌāvaꞌe mo kato, he uŋa i tōꞌona tāvini mo kī ki tū nuꞌu ꞌoka kai era mo haka maꞌu i te ꞌapa vino tano māꞌana.

Māteo 23:37

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina a koe he haŋa!

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 9:15

He pāhono e Ietū: —¿E taꞌe koa ꞌe e taꞌe kai mau rō te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? Nā, paꞌi, e tano rō te hora he toꞌo i rā kope mai muri i a rāua; ꞌi rā hora ka tapu iho era.

Ruka 13:34

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki, pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina koe he haŋa!

Ruka 15:28

»He riri rō atu ꞌai tū taina ꞌatariki era, ꞌe ꞌina kai haŋa mo uru. He eꞌa te taŋata matuꞌa he ani mo uru.

Ruka 19:27

ꞌE te nuꞌu taꞌe haŋa era mo ꞌariki ōꞌoku, ka maꞌu mai ꞌai ka tiŋaꞌi ka haka mate rō ꞌi muꞌa i a au”».

Iovani 5:40

ꞌina a kōrua he haŋa mo haka moe i te manaꞌu ꞌi ruŋa i a au ki ravaꞌa ai e kōrua i rā ora.

Aŋa o te ꞌĀpōtoro 13:45

I takeꞌa era e te hūrio ra-rahi i te rahi o te taŋata, he mākota. He haꞌamata ia he vā-vā ꞌe he kī he reo-reo te vānaŋa ꞌa Pauro.

Rōmano 10:21

ꞌE mo te itaraera i kī takoꞌa ai e te ꞌAtua i haka pāpaꞌi ki a ꞌItaia: «Te aŋa nō ꞌāꞌaku he haka toro i tōꞌoku rima ki te hau haka ꞌāriŋa ꞌe taꞌe haka roŋo».

ꞌEvereo 12:25

E te taina, e uꞌi kōrua ꞌo taꞌe haka roŋo rō ki te vānaŋa o te ꞌAtua. Te nuꞌu o muꞌa ꞌā hārui hai tuaꞌivi ki tāꞌana vānaŋa haka ꞌite e Mōtē ꞌi te ao nei ꞌina kai taꞌe haka ūtuꞌa e te ꞌAtua. Pē ira ka topa ena ki a tātou mo taꞌe haka roŋo ki te kope ꞌāꞌana te vānaŋa mai mai te raŋi.

ꞌEvereo 9:15

ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.

Meꞌe Haka Takeꞌa 22:17

Te ⌊Vārua Maitai⌋ ꞌe te viꞌe hāipo-ipo o te Māmoe pē nei e kī ena: «¡Ka oho mai!». ꞌE te kope ŋaroꞌa i te meꞌe nei, ka kī: «¡Ka oho mai!». ꞌE te kope pohe ki te vai ꞌe haŋa mo unu, ka oho mai ka unu i te vai taꞌe e ꞌauhau vaꞌai i te ora ꞌāpī ꞌina he hopeꞌa raꞌa.