Māteo 21:5 - Rapa Nui

⁵ «Ka kī ki te nuꞌu o te kona ena ko ⌊Tione⌋, kī takoꞌa ko Hērutarema: “Ka uꞌi tuꞌu ꞌAriki e oho mai ena, pa he taŋata taꞌe hōnui, e eke rō ꞌana ꞌi ruŋa i te muni, he poki o te muni maꞌu taoꞌa”».

Māteo 21:5 Iomraidhean Croise

Māteo 11:29

E aŋa tāꞌaku meꞌe kī atu ꞌe e riro kōrua he nuꞌu hāpī ꞌāꞌaku. A au, paꞌi, he kope riva, taꞌe riri-riri tahaŋa ꞌe taꞌe manaꞌu i hau rō atu ki te rua. Pē ira he ŋaroꞌa e kōrua te ora.

Māteo 2:2

He ꞌui: «¿ꞌI hē rō te ꞌariki poreko nei o te ⌊hūrio⌋? Ko takeꞌa ꞌana e mātou te eꞌa iŋa o tōꞌona hetuꞌu. I oho mai nei a mātou mo haꞌamuri ki a ia».

Māteo 2:6

«ꞌE a koe, e Vērene ē, ka ai atu he kona ꞌiti-ꞌiti, e riro rō koe he kona hōnui o roto o te kona taꞌatoꞌa o Hūrea. Mai i a koe, paꞌi, ka eꞌa ena e tahi kope hōnui mo haka tere i tōꞌoku taŋata he itaraera».

Māteo 21:6

He oho rā nuꞌu hāpī era he aŋa i tū meꞌe uŋa era e Ietū.

Ruka 24:27

He haꞌamata ia he haka aŋi-aŋi he oho ki tū ŋā kope era i te meꞌe taꞌatoꞌa pāpaꞌi o ruŋa i a ia ꞌi ruŋa i te ⌊Pāpaꞌi Moꞌa⌋, i haꞌamata ai mai te ŋā puka pāpaꞌi era e ⌊Mōtē⌋ ki te puka taꞌatoꞌa pāpaꞌi e te perofeta.

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

2 Kōrinto 10:1

E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋: