Māteo 2:2 - Rapa Nui

² He ꞌui: «¿ꞌI hē rō te ꞌariki poreko nei o te ⌊hūrio⌋? Ko takeꞌa ꞌana e mātou te eꞌa iŋa o tōꞌona hetuꞌu. I oho mai nei a mātou mo haꞌamuri ki a ia».

Māteo 2:2 Iomraidhean Croise

Māteo 2:3

I ŋaroꞌa era e te ꞌariki ko ꞌErore i rā parau ꞌāpī, he veveri he taꞌe au, ꞌe pē ira takoꞌa ꞌana te taŋata taꞌatoꞌa o ira.

Māteo 21:5

«Ka kī ki te nuꞌu o te kona ena ko ⌊Tione⌋, kī takoꞌa ko Hērutarema: “Ka uꞌi tuꞌu ꞌAriki e oho mai ena, pa he taŋata taꞌe hōnui, e eke rō ꞌana ꞌi ruŋa i te muni, he poki o te muni maꞌu taoꞌa”».

Māteo 27:11

He haka māroa i a Ietū ꞌi muꞌa o tū suerekao era ko Pirato, ꞌe ꞌāꞌana i ꞌui: —¿He ꞌariki koe o te hūrio? —ꞌĀꞌau i kī —i pāhono ai e Ietū.

Ruka 19:38

Pē nei e kī era: «¡Taŋata haꞌamaitai e te ꞌAtua te ꞌAriki oho mai nei hai ꞌīŋoa ōꞌona!» «¡Ka ai te haumārū o te ꞌAtua i tōꞌona taŋata!» «¡Ki haꞌahana-hana tahi tātou ki te ꞌAtua ꞌi te raŋi!».

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Ruka 23:3

He ꞌui e Pirato: —¿He ꞌAriki koe o te ⌊hūrio⌋? He pāhono e Ietū: —ꞌĀꞌau i kī.

Ruka 23:38

ꞌI ruŋa i te pūꞌoko o te tātaurō o Ietū e tau rō ꞌā e tahi miro pararaha e hāꞌaki rō ꞌana: «He ꞌAriki o te hūrio».

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 12:13

He ha-hati ia i te raupā niu ꞌe he eꞌa he oho ki a Ietū mo hokorua mo oho mai koia ko ꞌeha e ohu era: «¡⌊Osana⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona, he ꞌAriki o Itaraera!».

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 19:19

ꞌI ruŋa i te miro pararaha i pāpaꞌi ai e Pirato: «Ko Ietū era o Nātāreta, he ꞌAriki o te hūrio» ꞌe he uŋa he haka huki ꞌi ruŋa i te tātaurō.

Iovani 20:28

I ꞌauē a Tōmā i kī ai: —¡E te Pūꞌoko Haka Tere ōꞌoku ē, e te ꞌAtua ōꞌoku ē!

Iovani 5:23

ki haꞌamuri ai te taŋata taꞌatoꞌa ki te Poki pa he haꞌamuri iŋa ki te Matuꞌa. Te kope taꞌe moꞌa i te Poki ꞌina he moꞌa i te Matuꞌa uŋa mai i a ia.

Iovani 9:38

He kī ia e tū taŋata era: —ꞌI te hora nei ko haka moe ꞌana a au i tōꞌoku manaꞌu ꞌi ruŋa i a koe. ꞌE he tū-turi he haꞌamuri.

ꞌEvereo 1:6

ꞌE ꞌi te rua kona, hora haka ꞌite era i tāꞌana ꞌAtariki ki te ao, i kī ai: «E haꞌamuri ki a ia te merahi taꞌatoꞌa o te ꞌAtua».

Meꞌe Haka Takeꞌa 22:16

»A au, a Ietū, ko uŋa atu ꞌā i tāꞌaku merahi mo haka ꞌite i te meꞌe taꞌatoꞌa nei ki te ŋā nūnaꞌa taŋata haka moe ena i te manaꞌu ꞌi ruŋa i a au. He hakaara a au o ⌊Tāvita⌋, ꞌe he hetuꞌu pura-pura ꞌi te pōꞌā».