Māteo 2:16 - Rapa Nui

¹⁶ A ꞌErore, i uꞌi era kai hoki rā ŋā maꞌori kai hāꞌaki ki a ia, he riri rō atu ꞌai. He uŋa ia he tiŋaꞌi he haka mate i te ŋā poki tane taꞌatoꞌa o Vērene ꞌe o te kona hāhine taꞌatoꞌa, mai te rua matahiti pe raro. I haka tano ai te matahiti o rā ŋā poki ki te mahana takeꞌa e tū ŋā maꞌori era i te hetuꞌu.

Māteo 2:16 Iomraidhean Croise

Māteo 2:1

A Ietū i poreko ai ꞌi Vērene, he kona e tahi o Hūrea, ꞌi te noho iŋa ko ⌊ꞌErore⌋ te ꞌariki o rā kona. ꞌI rā ŋā mahana i tuꞌu ai ki Hērutarema, mai te pāꞌiŋa eꞌa o te raꞌā, te nuꞌu maꞌori hāpī i te hetuꞌu.

Māteo 2:17

Pē ira i tano ai te meꞌe pāpaꞌi e te perofeta era ko Heremia pē nei ē:

Māteo 2:7

He uŋa kiva-kiva e ꞌErore mo oho ki a ia tū nuꞌu maꞌori hāpī hetuꞌu era, ꞌe mai rā nuꞌu i ꞌite ai ꞌi ꞌaŋahē i eꞌa ai rā hetuꞌu.

Meꞌe Haka Takeꞌa 12:4

Hai hiku i to-toi ai i te ꞌapa e tahi o te ꞌapa e toru o te hetuꞌu o te raŋi ꞌe he ava ki ruŋa i te henua. He noho ia rā manuꞌino ꞌi muꞌa o tū viꞌe era e aꞌu ꞌā i te poki, mo kai i rā poki ꞌi te hora era ka poreko era.

Meꞌe Haka Takeꞌa 17:6

He uꞌi atu ia a au ko taꞌero ꞌā rā viꞌe ꞌi te unu i te toto o te nuꞌu haꞌataꞌa e te ꞌAtua māꞌana, nuꞌu mā-mate i tiŋaꞌi ꞌo te ai he mataꞌite o Ietū. I takeꞌa era e au, he māere rō atu ꞌai au.