Māteo 2:11 - Rapa Nui

¹¹ He uru ia ananake ki roto i te hare, he takeꞌa i te poki ararua ko tōꞌona matuꞌa vahine ko ⌊Māria⌋, ꞌe he tū-turi he haꞌamuri ki rā poki. He mātaki i te rāua ꞌavahata he vaꞌai i te piru, i te meꞌe mo tutu mo haka ꞌeo o te hare, ꞌe i te manoꞌi aŋa hai tāpau o te tumu te ꞌīŋoa he mirra.

Māteo 2:11 Iomraidhean Croise

Māteo 1:18

Pē nei i topa ai te poreko iŋa o Ietū Kiritō: Te matuꞌa vahine ōꞌona ko Māria ko haꞌamoꞌa-moꞌa ꞌana mo hāipo-ipo ararua ko Kōsē. ꞌE kai moe hia ararua pa he kenu pa he viꞌe i ꞌite rō ai a Māria ko hānautama ꞌana a ia i haka tupu e te ⌊Vārua Maitai⌋.

Māteo 12:46

E vānaŋa nō ꞌā a Ietū ki te nuꞌu, he tuꞌu tōꞌona matuꞌa vahine ꞌe te ŋā taina ōꞌona, e haŋa ꞌā mo vānaŋa ki a ia. ꞌE, ꞌi te noho ꞌi haho o te hare,

Māteo 14:33

Te nuꞌu o ruŋa i te vaka he haꞌamuri ki a Ietū he kī: —¡He parautiꞌa mau ꞌana he Poki koe o te ꞌAtua!

Māteo 2:10

I uꞌi era ko noho ꞌana te hetuꞌu, he toꞌo rō atu ꞌai te koa o rā nuꞌu.

Māteo 2:2

He ꞌui: «¿ꞌI hē rō te ꞌariki poreko nei o te ⌊hūrio⌋? Ko takeꞌa ꞌana e mātou te eꞌa iŋa o tōꞌona hetuꞌu. I oho mai nei a mātou mo haꞌamuri ki a ia».

Ruka 2:16

He oho ananake, i keꞌo-keꞌo te vaꞌe, ki rā kona. He takeꞌa i a Māria, i a Kōsē, ꞌe i te poki e moe rō ꞌā ꞌi roto i te meꞌe hāŋai puaꞌa.

Ruka 2:38

He tuꞌu rā viꞌe ꞌi rā hora mau ꞌā ki te kona ꞌi ira a kuā Māria. He haꞌamata ia he māuru-uru ki te ꞌAtua ꞌe he vānaŋa o ruŋa i rā poki ki te nuꞌu taꞌatoꞌa o ira e ŋatu rō ꞌā te haŋu ki te eꞌa iŋa o Hērutarema mai roto i te meꞌe taꞌe tano.

Iovani 19:39

A Nikoremo, he taŋata oho era ꞌi te pō mo vānaŋa ki a Ietū, he tuꞌu ki te kona era ꞌi ira a Kōsē e maꞌu rō ꞌana e toru ꞌahuru kiro o te meꞌe ꞌeo i aŋa hai mirra ꞌe hai āroe.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.

Meꞌe Haka Takeꞌa 5:8

I toꞌo era he noi he tū-turi ꞌe he haꞌamuri ki rā Māmoe e rā ŋā meꞌe ora era e hā ꞌe e tū ŋā piti ꞌahuru mā maha ŋāŋata ra-rahi era. Taꞌatoꞌa o tū ŋāŋata ra-rahi era e maꞌu rō ꞌā i te arpa ꞌe, takoꞌa, i te poko-poko aŋa hai piru e ꞌī rō ꞌana e te incienso, te auraꞌa: he pure o te nūnaꞌa taŋata haꞌataꞌa e te ꞌAtua māꞌana.