Māteo 19:12 - Rapa Nui

¹² Rauhuru te tumu o te meꞌe ena he noho ꞌina he piri tane: mo te tētahi he meꞌe poreko, mo te tētahi atu ko pātehe ꞌana, ꞌe mo te tētahi haka ꞌou atu he haŋa mo tāvini ki te ꞌAtua ꞌe mo haka ꞌite o ruŋa i te haka tere iŋa ꞌāpī ꞌāꞌana e tahi mau nō manaꞌu. Te kope ꞌite mo maꞌu i te noho iŋa nei, e maꞌu.

Māteo 19:12 Iomraidhean Croise

Māteo 19:11

He pāhono e Ietū: —Taꞌe taꞌatoꞌa nuꞌu ꞌite pē hē te maꞌu iŋa o te meꞌe he taꞌe hāipo-ipo, te auraꞌa, he noho iŋa ꞌina he piri tane; te nuꞌu ꞌite mo maꞌu i te meꞌe nei he nuꞌu hāꞌūꞌū e te ꞌAtua.

Māteo 19:13

I oho era he maꞌu e te nuꞌu i te ŋā poki ki a Ietū mo haka puā hai rima ꞌe mo pure mo rā ŋā poki. I takeꞌa era e tāꞌana nuꞌu hāpī, he ture ki rā nuꞌu.

1 Kōrinto 9:15

ꞌE, ka ai atu e tano rō ꞌana a au mo no-noꞌi atu, ꞌina e tahi ōꞌoku mahana i no-noꞌi atu ki a kōrua, ꞌe taꞌe a au e pāpaꞌi atu ena mo vaꞌai mai o kōrua e tahi meꞌe. Mo vaꞌai mai o kōrua hai tara, e ko tano haka ꞌou a au mo kī pē nei ē: e haka ꞌite nei a au i te roŋo o te ꞌAtua taꞌe e ꞌauhau mai, ꞌe i hau rō atu i te tano mōꞌoku mo mate ꞌi te maruaki ki te taꞌe kī haka ꞌou pē ira.

1 Kōrinto 9:5

ꞌe mo maꞌu ꞌi muri i a rāua i te rāua viꞌe ⌊kiritiano⌋, pa he meꞌe aŋa e Tefa, e te ŋā taina era o Ietū ꞌe e te tētahi ꞌāpōtoro.

Meꞌe Haka Takeꞌa 14:4

Te nuꞌu nei he nuꞌu kai haꞌamuri ki te ꞌītoro, he nuꞌu kai haka rē i te ꞌAtua ki te hora hopeꞌa, ꞌe he nuꞌu i oho ꞌi muri i te Māmoe ki te kona nō era o te Māmoe i oho. A rāua ko haꞌataꞌa ꞌā mai roto i te taŋata taꞌatoꞌa o te ao pa he meꞌe raꞌe mo mahia ki te ꞌAtua ꞌe ki te Māmoe.