Māteo 16:8 - Rapa Nui

⁸ He aŋi-aŋi e Ietū ꞌe he kī: —¿He aha kōrua e vānaŋa ena o ruŋa i te haraoa? ¡Kai haka moe riva-riva mai ꞌā kōrua i te manaꞌu ꞌi ruŋa i a au!

Māteo 16:8 Iomraidhean Croise

Māteo 14:31

ꞌI tū hora ꞌā he ꞌa-ꞌaru e Ietū a te rima he kī: —¿Pē nā te haka moe iŋa ōꞌou i te manaꞌu ꞌi ruŋa i a au? ¿He aha rā koe i ꞌaka-ꞌaka ai?

Māteo 16:7

He haꞌamata ia tū nuꞌu hāpī era ꞌa Ietū he vānaŋa ꞌi roto i a rāua ꞌā ꞌe he kī: «I kī mai ena i te vānaŋa ena ꞌo te ꞌite kai maꞌu mai tātou i te haraoa».

Māteo 6:30

»Mo ai pē ira te ꞌAtua e haka nehe-nehe ena i te tiare o ꞌuta, ꞌūaꞌa ꞌi ꞌaŋarīnā ꞌe mae-mae āpō, ¿pē hē ia ana taꞌe haka uru atu i a kōrua hai kahu, e te nuꞌu taꞌe ⌊haka moe i te manaꞌu⌋ ꞌi ruŋa i te ꞌAtua ē?

Māteo 8:26

He pāhono e Ietū: —¿He aha rā kōrua e riꞌa-riꞌa ena, e te nuꞌu taꞌe haka moe riva-riva i te manaꞌu ꞌi ruŋa i a au ē? I kī era i rā meꞌe, he eꞌa ki ruŋa, e tahi nō reꞌo i kī ai ki te tokerau ꞌe ki te vaikava; he noho te tokerau ꞌe he māria rō ꞌai te vaikava.

Marko 16:14

E no-noho nō ꞌā te nuꞌu hāpī ꞌa Ietū e hoꞌe ꞌahuru mā hoꞌe ꞌi ruŋa i te ꞌamuramaꞌa, he haka takeꞌa a Ietū i a ia. He ture ia ꞌo te taꞌe haka roŋo ki te nuꞌu takeꞌa raꞌe i a ia ko ora haka ꞌou ꞌā mai te mate, he pūꞌoko hio-hio o rāua ꞌe he taꞌe ⌊haka moe i te manaꞌu⌋ ꞌi ruŋa i a ia.

Iovani 16:30

A mātou ko ꞌite ꞌana ꞌi te hora nei: a koe ko ꞌite tahi ꞌana i te meꞌe, ꞌātā ki te mātou meꞌe manaꞌu mo ꞌui atu. ꞌO ira he parautiꞌa mau ꞌā mo mātou: a koe mai te ꞌAtua i oho mai ai.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.