Māteo 13:8 - Rapa Nui

⁸ »I ai takoꞌa rō te karu i marere a te kona ꞌōꞌone riva-riva. I tupu era he taiko. Mai rā ŋā karu i hua ꞌe i puŋa ai e hoꞌe hānere, e ono ꞌahuru ꞌe e toru ꞌahuru karu mai te karu nō e tahi.

Māteo 13:8 Iomraidhean Croise

Māteo 13:23

»ꞌE te kona ꞌōꞌone riva-riva vī-viri era o te karu he nuꞌu haka roŋo ꞌe aŋi-aŋi i te roŋo o te ꞌAtua. Mai i a rāua he hua meꞌe rahi nō atu meꞌe haŋa e te ꞌAtua, pa he ŋā karu ena ꞌā mai ruŋa i hua ai e hoꞌe hānere, e ono ꞌahuru ꞌe e toru ꞌahuru karu».

Māteo 13:7

»I ai rō te karu i marere a te kona mauku pū-pū. ꞌI te taiko o rā ŋā mauku, he ꞌapi i te karu tupu he vavau ꞌe ꞌina kai hua.

Marko 4:20

»ꞌE nā e ai rō ꞌana te nuꞌu pē rā kona ꞌōꞌone riva-riva era: e haka roŋo rō ꞌā ꞌe e hāpaꞌo rō ꞌana i te vānaŋa o te ꞌAtua ꞌi roto i te rāua māhatu, ꞌe mai i a rāua e hua ena meꞌe rahi meꞌe haŋa e te ꞌAtua, pa he ŋā karu era ꞌā mai ruŋa i hua ai e toru ꞌahuru, e ono ꞌahuru, ꞌe ꞌātā e hoꞌe hānere karu mai te karu mau nō e tahi».

Marko 4:8

»Kē rō atu te karu i marere a te kona ꞌōꞌone riva-riva. I tupu era he taiko. Mai rā ŋā karu i hua ꞌe i puŋa ai e toru ꞌahuru, e ono ꞌahuru, ꞌe ꞌātā e hoꞌe hānere karu mai te karu nō e tahi».

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Ruka 8:8

»ꞌE tētahi atu i vī-viri a te kona ꞌōꞌone riva-riva. He tupu he nui-nui ꞌe mai te karu e tahi i hua ai ꞌātā e hoꞌe hānere karu». He meꞌe nei te meꞌe i ꞌaꞌamu e Ietū. ꞌE he kī haka ꞌou i haka pūai te reꞌo: «¡Te nuꞌu haŋa mo aŋi-aŋi ka haka topa te manaꞌu!».

Iovani 15:8

Mo hua rahi o kōrua, te auraꞌa, mo aŋa i te meꞌe tī-tika ki te mata o te ꞌAtua, e haꞌahana-hana ꞌā ki te ꞌAtua Matuꞌa, ꞌe he riro ia a kōrua he nuꞌu hāpī parautiꞌa ꞌāꞌaku.

Rōmano 7:18

Ko ꞌite ꞌana a au ꞌina he meꞌe riva-riva poreko mai roto i tōꞌoku huru hara. Ka haŋa atu, paꞌi, a au mo aŋa i te meꞌe riva-riva, ꞌina ōꞌoku pūai mo aŋa i rā meꞌe.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.