Māteo 13:16 - Rapa Nui

¹⁶ »ꞌE, ko te koa i a kōrua ꞌo te ai te kōrua mata e takeꞌa rō ꞌā, ꞌe te kōrua tariŋa e ŋaroꞌa rō ꞌā.

Māteo 13:16 Iomraidhean Croise

Māteo 16:17

He kī e Ietū: —¡Ko te koa i a koe, e Tīmona, poki ꞌa Hōnā ē! Te meꞌe ꞌite ena e koe taꞌe o te taŋata i haka ꞌite atu, o tōꞌoku Matuꞌa o te raŋi.

Iovani 20:29

He kī e Ietū: —I haka moe mai ena koe i tuꞌu manaꞌu he takeꞌa ōꞌou i a au. ¡Ko te koa ꞌō i te nuꞌu kai takeꞌa hia ꞌā i a au i haka moe rō ai i te rāua manaꞌu ꞌi ruŋa i a au!

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.