Māteo 13:12 - Rapa Nui

¹² Te kope aŋi-aŋi ꞌe toꞌo mōꞌona i te parautiꞌa o te ꞌAtua he haka ꞌata aŋi-aŋi. ꞌE te kope ꞌina he toꞌo i rā meꞌe mōꞌona, ꞌātā ki te meꞌe ꞌiti-ꞌiti ꞌite e ia o ruŋa i te ꞌAtua ka toꞌo ena.

Māteo 13:12 Iomraidhean Croise

Māteo 21:43

»Te meꞌe ꞌaꞌamu atu ena e au o ruŋa i te haka tere iŋa ꞌāpī o te ꞌAtua. Nā e toꞌo rō, mai i a kōrua, ꞌe he vaꞌai ki te nuꞌu aŋa i tāꞌana meꞌe haŋa ꞌe haꞌatura ki a ia.

Māteo 25:29

Te kope, paꞌi, ꞌata rahi i a ia te meꞌe, ꞌata rahi te meꞌe ka vaꞌai ena, ꞌe ꞌātā he topa; ꞌe te kope ꞌina e tahi ꞌāꞌana meꞌe, ꞌātā ki te meꞌe ꞌiti-ꞌiti manaꞌu e ia ꞌāꞌana ka hiko ena.

Marko 12:9

»Iā. Ki te kōrua manaꞌu, ¿he aha te meꞌe ka aŋa era ki rā nuꞌu e te taŋata era ōꞌona rā henua? ꞌĪ a au he kī atu: he tiŋaꞌi i rā nuꞌu he haka mate, ꞌe he vaꞌai i rā henua ki te tētahi nuꞌu mo hāpaꞌo.

Ruka 10:42

E tahi mau nō meꞌe hopeꞌa o te riva-riva, ꞌe ko rā meꞌe te meꞌe haŋa ꞌa Māria, ꞌe ꞌina e tahi kope mo ravaꞌa mo toꞌo i rā meꞌe mai i a ia.

Ruka 12:48

Te tāvini aŋa i te meꞌe taꞌe tano ꞌi te taꞌe ꞌite he aha mau te meꞌe haŋa o te taŋata haka aŋa i a ia e ko haka ūtuꞌa rahi. Te kī: mo ai ꞌi ruŋa i te kope e tahi te riva rahi o te ꞌAtua, e rahi takoꞌa tōꞌona tāvini iŋa ki te ꞌAtua. ꞌE mo ai ꞌata rahi te riva rahi o te ꞌAtua, e ꞌata rahi takoꞌa tōꞌona tāvini iŋa ki a ia.

Ruka 16:2

»He uŋa e rā taŋata ki tū tāvini era mo oho ꞌe he ꞌui: “¿He aha te meꞌe kī mai nei e te nuꞌu o ruŋa ōꞌou? Ka haka ꞌite tahi mai pē hē koe i haka tere ai i tōꞌoku hauhaꞌa. E ko aŋa haka ꞌou e koe i te aŋa era”.

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Ruka 8:18

»ꞌO ira, e uꞌi e haka roŋo riva-riva tāꞌaku hāpī. Te kope aŋi-aŋi ꞌe toꞌo mōꞌona i te parautiꞌa o te ꞌAtua he ꞌata haka aŋi-aŋi e te ꞌAtua. ꞌE te kope ꞌina he toꞌo mōꞌona, ꞌātā ki te meꞌe manaꞌu ko ꞌite ꞌā e ia ka toꞌo ena».

Ruka 9:26

»Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ꞌi ruŋa i a au tōꞌoku pūai ꞌe te pūai ꞌana-ꞌana o tōꞌoku Matuꞌa e haka vari tahi rō ꞌana e te merahi.

Tanatiako 4:6

ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

Meꞌe Haka Takeꞌa 2:5

E manaꞌu koe pē hē te rahi o tuꞌu haŋa ꞌi rā hora, ꞌe ꞌai ka huri haka ꞌou rō tuꞌu manaꞌu. Te meꞌe aŋa era e koe ꞌi muꞌa ꞌā ka aŋa haka ꞌou, ꞌo oho rō atu a au he toꞌo i taꞌa hakariꞌi ena mai tōꞌona kona.