Māteo 11:5 - Rapa Nui

⁵ Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 11:5 Iomraidhean Croise

Māteo 10:8

»Ka haka ora te nuꞌu māui-ui, ka haka ora te nuꞌu mate, ka haka ora te nuꞌu rēpera, ka haka eꞌa te tātane mai roto i te taŋata. Te mana ai i a kōrua, taꞌe i ꞌauhau; ꞌo ira, ꞌina takoꞌa ko haka ꞌauhau i te taŋata ꞌo te kōrua meꞌe mo aŋa.

Māteo 11:4

He kī e Ietū: «Ka oho ka kī ki a Iovani i te meꞌe takeꞌa ꞌe ŋaroꞌa e kōrua.

Māteo 12:13

He kī ia ki tū taŋata rima rehe-rehe era: «Ka haka toro mai tuꞌu rima». He haka toro i tū rima era ōꞌona ꞌe he ora rō ꞌai pa he rua rima.

Māteo 21:14

He haka hāhine ia te nuꞌu matapō ꞌe te nuꞌu vaꞌe koke ki a Ietū ꞌi roto, ꞌe he haka ora e ia.

Māteo 5:3

«Ko te koa i te nuꞌu ꞌite taꞌe i a rāua mau nō te rāua ora; i te nuꞌu nei te haka tere iŋa ꞌāpī o te ꞌAtua.

Māteo 9:30

He ora rō ꞌai te mata o tū ŋāŋata era. ꞌE he kī e Ietū: —E uꞌi ꞌo ꞌite e te nuꞌu.

Marko 7:37

Ko māere atu ꞌā rā nuꞌu e kī era: «Taꞌatoꞌa meꞌe aŋa e ia meꞌe riva-riva. ¡ꞌĀtā e haka ha-hata nō i te tariŋa o te taŋata tariŋa pō ꞌe e haka vānaŋa nō i te taŋata ꞌina he vānaŋa!».

Marko 9:25

ꞌI te uꞌi o Ietū ko ꞌata rahi ko oho ꞌā te taŋata, he ture ki tū tātane era he kī: —E te tātane taꞌe haꞌatiꞌa mo vānaŋa ꞌe mo ŋaroꞌa ē, ka eꞌa koe mai roto i te poki ena, ꞌe ꞌina koe ko uru haka ꞌou ki roto.

Ruka 4:18

«ꞌI ruŋa i a au te Vārua o te ꞌAtua, ꞌo te ai ko haꞌataꞌa ꞌana i a au mo maꞌu i te roŋo riva-riva ꞌāꞌana ki te nuꞌu veve. Ko uŋa mai ꞌā mo haka ꞌite ki te nuꞌu puru e ai rō ꞌā te rāveꞌa mo eꞌa o rāua mai roto i te ꞌati. Ko uŋa takoꞌa mai ꞌana i a au mo haka māꞌeha i te mata o te nuꞌu matapō, mo haka eꞌa i te nuꞌu mai te rima o te nuꞌu tōtōā i a rāua,

Iovani 10:25

He pāhono e Ietū: —Ko kī atu era ꞌana e au, ꞌe ꞌina kōrua he haka roŋo mai. Hai meꞌe aŋa e au hai pūai o tōꞌoku Matuꞌa, e haka takeꞌa atu ena,

Iovani 10:38

ꞌE, mo aŋa ōꞌoku i te meꞌe aŋa e tōꞌoku Matuꞌa, ka ai atu ꞌina kōrua he haka moe i te manaꞌu ꞌi ruŋa i a au, ka haka moe ia kōrua i te manaꞌu ꞌi ruŋa i tāꞌaku meꞌe aŋa ki ꞌite ai a kōrua: te ꞌAtua Matuꞌa ꞌe a au e tahi mau nō.

Iovani 2:23

ꞌI te hora o Ietū ꞌi Hērutarema mo te ŋoŋoro o te Pakate, nuꞌu rahi te nuꞌu i ⌊haka moe i te manaꞌu⌋ ꞌi ruŋa i a ia ꞌo te takeꞌa i te mana e aŋa era.

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Iovani 9:7

I oti era he kī: «Ka oho ka hopu tuꞌu mata ꞌi te puna era ko Tiroē». (Te haꞌaauraꞌa o rā ꞌīŋoa: «he kope uŋa»). He oho tū taŋata matapō era he hopu. I hoki haka ꞌou era ko takeꞌa ꞌā i te meꞌe.

Aŋa o te ꞌĀpōtoro 2:22

»E te itaraera ē, ka haka roŋo mai te meꞌe nei ka kī atu ena: A kōrua ko ꞌite riva-riva ꞌana: hai meꞌe nu-nui aŋa e Ietū ꞌe hai mana aŋa e ia i haka takeꞌa atu ai e te ꞌAtua: a Ietū o Nātāreta he taŋata uŋa mai e ia.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.