Māteo 10:4 - Rapa Nui

⁴ ko Tīmona, kope o roto i te nūnaꞌa taŋata he ⌊kananeo⌋, ꞌe ko Hura Ikariote, hoꞌo era i a Ietū.

Māteo 10:4 Iomraidhean Croise

Māteo 26:14

E tahi o te hoꞌe ꞌahuru mā piti nuꞌu hāpī ꞌa Ietū, ko Hura Ikariote, he oho he uꞌi i te nuꞌu oromatuꞌa ra-rahi

Māteo 26:15

ꞌe he kī: «¿E hia moni o kōrua mo vaꞌai mai mo vaꞌai atu ōꞌoku i a Ietū?». He ꞌauhau e rā nuꞌu e toru ꞌahuru tara ꞌaurī.

Māteo 26:2

«Ko ꞌite ꞌana a kōrua: e rua mahana toe mo te ⌊ŋoŋoro o te Pakate⌋, ꞌe te ⌊Poki o te taŋata⌋ he vaꞌai ki te rima o te nuꞌu mo veo ꞌi ruŋa i te tātaurō».

Māteo 26:47

E vānaŋa nō ꞌā a Ietū ki tū nuꞌu era, i tuꞌu ai a Hura, he kope o roto o te hoꞌe ꞌahuru mā piti nuꞌu hāpī ꞌāꞌana. ꞌI muri i oho takoꞌa ai meꞌe rahi taŋata e maꞌu-maꞌu rō ꞌā i te hoe ꞌe i te miro, i uŋa e te nuꞌu oromatuꞌa ra-rahi ꞌe e te nuꞌu pūꞌoko haka tere hūrio.

Māteo 27:3

A Hura, taŋata hoꞌo era i a Ietū, i ꞌite era ko haka ūtuꞌa ꞌana i a Ietū hai mate, he oꞌo te mamae ki roto i te māhatu. He oho he haka hoki i tū tara ꞌaurī era e toru ꞌahuru ki te nuꞌu oromatuꞌa ra-rahi ꞌe ki te nuꞌu pūꞌoko haka tere hūrio,

Marko 14:10

A Hura Ikariote, he kope o roto o te hoꞌe ꞌahuru mā piti nuꞌu hāpī ꞌa Ietū, he oho he vānaŋa ki te nuꞌu oromatuꞌa ra-rahi mo vaꞌai e ia i a Ietū.

Marko 14:43

E vānaŋa nō ꞌā a Ietū ki tū nuꞌu era i tuꞌu rō ai a Hura, he kope o roto o te hoꞌe ꞌahuru mā piti nuꞌu hāpī ꞌāꞌana. ꞌI muri i oho takoꞌa ai meꞌe rahi taŋata e maꞌu-maꞌu rō ꞌā i te hoe ꞌe i te miro i uŋa e te nuꞌu oromatuꞌa ra-rahi, e te maꞌori o te haka tere hūrio ꞌe e te nuꞌu pūꞌoko haka tere hūrio.

Ruka 22:3

He oꞌo a Rukifero ki roto i a Hura, he kope o roto o te hoꞌe ꞌahuru mā piti nuꞌu hāpī ꞌa Ietū, kī ko Ikariote.

Ruka 22:47

E vānaŋa nō ꞌā a Ietū i tuꞌu ai meꞌe rahi nuꞌu. Te meꞌe o muꞌa ko Hura, he kope o roto o te hoꞌe ꞌahuru mā piti nuꞌu hāpī ꞌāꞌana. He haka hāhine ki a Ietū he hoŋi.

Iovani 13:2

Ka ai atu pē ira, ko ai era ꞌā ꞌi roto i te māhatu o Hura, poki ꞌa Tīmona Ikariote, te manaꞌu o Rukifero mo hoꞌo i a Ietū. ꞌE a Ietū, ꞌi te ꞌite: mai te ꞌAtua a ia i oho mai ai ꞌe ki a ia ka hoki era, ꞌe ꞌi te ꞌite takoꞌa ko vaꞌai ꞌana ki a ia e tōꞌona Matuꞌa i te parau o te meꞌe taꞌatoꞌa o te ao, e kai nō ꞌā he māroa mai ruŋa i te ꞌamuramaꞌa, he patu i te paratoa ꞌe he here i te pānio pa he pena.

Iovani 6:64

Ka ai atu pē ira, e ai nō ꞌana tētahi o kōrua ꞌina he haka moe i te manaꞌu ꞌi ruŋa i a au. Mai muꞌa ꞌā, paꞌi, a Ietū i ꞌite rō ai ko ai ko ai te meꞌe ka taꞌe haka moe era i te manaꞌu ꞌi ruŋa i a ia, ꞌe ko ai te kope ka hoꞌo era i a ia.

Iovani 6:71

A Ietū i kī ai i te meꞌe nei mo Hura, poki ꞌa Tīmona Ikariote ꞌo te ai pe muꞌa ka oho era he hoꞌo e Hura i a Ietū, ka ai atu a Hura o roto i te hoꞌe ꞌahuru mā piti nuꞌu hāpī ꞌa Ietū.

Aŋa o te ꞌĀpōtoro 1:13

I tuꞌu era ki Hērutarema, he eke ananake ki te piha o ruŋa o te hare ꞌi ira e noho era. Te nuꞌu nei ko Pētero, ko Iovani, ko ⌊Tanatiako⌋, ko Antarea, ko Feripe, ko Tōmā, ko Torometi, ko Māteo, ko Tanatiako poki ꞌa Arafeo, ko Tīmona he ⌊sērote⌋, ko Hura poki ꞌa Tanatiako.

Aŋa o te ꞌĀpōtoro 1:25

mo maꞌu i te aŋa he ꞌāpōtoro, aŋa e Hura ꞌātā ki te hora hara ōꞌona ꞌe ꞌai ko oho ꞌā ki te kona tano mōꞌona».