Māteo 10:2 - Rapa Nui

² He ꞌīŋoa nei o rā ŋā ꞌāpōtoro: te raꞌe ko Tīmona, e kī takoꞌa era ko Pētero; he taina ōꞌona, ko Antarea; ko ⌊Tanatiako⌋ ꞌe ko ⌊Iovani⌋, he ŋā poki ꞌa Tevereo;

Māteo 10:2 Iomraidhean Croise

Māteo 17:1

E ono mahana haka ꞌou pe muꞌa, he toꞌo e Ietū i a Pētero, i a ⌊Tanatiako⌋ ꞌe i a ⌊Iovani⌋, taina o Tanatiako, he iri ko rāua mau nō ki ruŋa i te maꞌuŋa ruŋa nui e tahi.

Māteo 20:20

Te viꞌe ꞌa Tevereo ꞌe te ŋā poki hoko rua o rāua he haka hāhine ki a Ietū. He tū-turi ia rā viꞌe mo no-noꞌi e tahi meꞌe.

Māteo 26:37

He maꞌu ꞌi muri i a ia i a Pētero ꞌe i te ŋā poki e rua ꞌa Tevereo. He oꞌo ia te māui-ui ki roto i te māhatu o Ietū, he haka kiva-kiva, ꞌe he ŋaroꞌa ꞌina ōꞌona haŋu toe mo ꞌamo i te rahi o te ꞌati ka topa era ki a ia.

Māteo 4:18

E haꞌere e oho nō ꞌā a Ietū a te taha-taha o te vai era o Karirea, he takeꞌa e rua taina: e tahi ko Tīmona, kī takoꞌa ko Pētero, ꞌe te rua ko Antarea, he nuꞌu hī ika e hoa ꞌana i te rāua kūpeŋa.

Māteo 4:21

Pe muꞌa ꞌiti he takeꞌa e Ietū i te taina haka ꞌou hoko rua: ko ⌊Tanatiako⌋ ꞌe ko Iovani, he ŋā poki ꞌa Tevereo, e haka riva-riva ꞌana i te rāua kūpeŋa ananake ko te rāua matuꞌa tane ꞌi ruŋa i te vaka. He kī e Ietū mo oho takoꞌa ꞌi muri i a ia.

Marko 1:29

I eꞌa era a kuā Ietū mai roto i te hare pure, he oho koia ko Tanatiako ꞌe ko Iovani ki te hare o Tīmona ꞌe o Antarea. I tuꞌu era he uru ananake.

Marko 13:3

He oho ia a kuā Ietū ki te Maꞌuŋa o te ꞌŌrivo, o muꞌa o te Kona Haꞌamuri ꞌAtua. I noho era a Ietū, he haka hāhine a Pētero, a ⌊Tanatiako⌋, a ⌊Iovani⌋ ꞌe a Antarea, ꞌe he ꞌui e rā nuꞌu ki a Ietū mo ꞌite e rāua nō

Marko 6:30

Tū nuꞌu ⌊ꞌāpōtoro⌋ uŋa era e Ietū, i hoki era, he taka-taka ꞌi muri i a Ietū ꞌe he ꞌaꞌamu i te rāua meꞌe i aŋa ꞌe i hāpī ki te nuꞌu.

Ruka 11:49

»ꞌO ira te ꞌAtua hai mārama-rama i kī ai: “E uŋa rō au i te perofeta ꞌe i te ⌊ꞌāpōtoro⌋, ꞌe e tiŋaꞌi e haka mate rō e rāua i te tētahi ꞌe i te tētahi atu e tū-tute rō mo tōtōā”.

Ruka 22:14

I tano era te hora, he noho a Ietū mo kai ananake ko tāꞌana ⌊ꞌāpōtoro⌋.

Ruka 22:8

he uŋa e Ietū i a Pētero ararua ko ⌊Iovani⌋ ꞌe he kī: —Ka oho kōrua ka haka riva-riva i te kai mo tātou mo te ŋoŋoro o te Pakate.

Ruka 5:10

Pē ira ꞌana a ⌊Tanatiako⌋ ararua ko ⌊Iovani⌋, poki ꞌa Tevereo, he nuꞌu aŋa takoꞌa ananake ko kuā Tīmona. He kī ia e Ietū ki a Tīmona: —ꞌIna koe ko riꞌa-riꞌa; mai te hora nei pe muꞌa he hī taŋata mo te ꞌAtua taꞌa aŋa.

Ruka 9:10

I hoki tahi era te ⌊ꞌāpōtoro⌋ uŋa e Ietū, he ꞌaꞌamu ki a ia i te rāua meꞌe taꞌatoꞌa i aŋa. He toꞌo e Ietū i rā nuꞌu ꞌe he oho ananake ki te kona hāhine ki Vetetaira mo noho ko rāua nō.

Iovani 12:22

He oho a Feripe he kī ki a Antarea, ꞌe ararua i oho i kī ai ki a Ietū.

Iovani 13:23

E tahi o rā nuꞌu, he kope haŋa rahi ꞌa Ietū, e kai ꞌana ꞌi muri.

Iovani 20:2

I takeꞌa era e Māria ꞌina he hakari o Ietū, he tahuti he oho ki te kona ꞌi ira a Pētero ararua ko te kope hāpī haŋa rahi ꞌa Ietū he kī: «¡Ko toꞌo ꞌana te hakari o Ietū mai tū kona era, ꞌe kai ꞌite mai ꞌi hē i haka rē ai!».

Iovani 21:2

ꞌI rā kona a Tīmona, kī takoꞌa ko Pētero, a Tōmā, kī he Hauā, a Natanaera o Kānā, he kona e tahi o Karirea, he ŋā poki e rua ꞌa Tevereo ꞌe he kope haka ꞌou hoko rua o roto o rā nūnaꞌa hāpī era ꞌa Ietū.

Iovani 21:20

He hārui ia a Pētero a tuꞌa, he takeꞌa ka tata atu tū kope haŋa rahi era ꞌa Ietū, kope noho ꞌi muri i a Ietū ꞌi te ⌊ŋoŋoro era o te Pakate⌋ ꞌui era pē nei ē: «E te Maꞌori, ¿ko ai te meꞌe ena ka hoꞌo ena i a koe?».

Iovani 21:24

Ko te kope mau nei ꞌā te kope e haka ꞌite atu ena o ruŋa i te ŋā meꞌe nei, ꞌe ꞌāꞌana mau ꞌā i pāpaꞌi. ꞌE a tātou e ꞌite rō ꞌā he parautiꞌa tāꞌana meꞌe kī.

Iovani 6:67

He ꞌui ia e Ietū ki tāꞌana nuꞌu hāpī era e hoꞌe ꞌahuru mā piti: —¿Ko haŋa takoꞌa ꞌana a kōrua mo oho?

Iovani 6:70

He kī ia e Ietū: —ꞌĀꞌaku mau ꞌā a kōrua a ho-hoꞌe ꞌahuru mā piti i toꞌo mai. ꞌE, ka ai atu pē ira, e tahi o roto i a kōrua he tātane.

Iovani 6:71

A Ietū i kī ai i te meꞌe nei mo Hura, poki ꞌa Tīmona Ikariote ꞌo te ai pe muꞌa ka oho era he hoꞌo e Hura i a Ietū, ka ai atu a Hura o roto i te hoꞌe ꞌahuru mā piti nuꞌu hāpī ꞌa Ietū.

Iovani 6:8

He kī ia e Antarea, taina o Pētero, kope hāpī haka ꞌou ꞌa Ietū:

Aŋa o te ꞌĀpōtoro 1:13

I tuꞌu era ki Hērutarema, he eke ananake ki te piha o ruŋa o te hare ꞌi ira e noho era. Te nuꞌu nei ko Pētero, ko Iovani, ko ⌊Tanatiako⌋, ko Antarea, ko Feripe, ko Tōmā, ko Torometi, ko Māteo, ko Tanatiako poki ꞌa Arafeo, ko Tīmona he ⌊sērote⌋, ko Hura poki ꞌa Tanatiako.

Aŋa o te ꞌĀpōtoro 1:26

I uꞌi era he topa ki a Mātia; ꞌe mai rā hora he riro rō ꞌai o roto o te nūnaꞌa ꞌāpōtoro.

Aŋa o te ꞌĀpōtoro 12:2

He kī mo tiŋaꞌi mo haka mate hai hoe i a Tanatiako, taina o ⌊Iovani⌋.

Aŋa o te ꞌĀpōtoro 3:1

E tahi mahana he oho a Pētero ararua ko ⌊Iovani⌋ ki te ⌊Kona Haꞌamuri ꞌAtua⌋ ki te pure o te hora toru o te ahi-ahi.

1 Kōrinto 15:7

He haka takeꞌa i a ia ki a ⌊Tanatiako⌋, ꞌe ki oti he haka takeꞌa haka ꞌou ki te nuꞌu ꞌāpōtoro taꞌatoꞌa.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

1 Pētero 1:1

A au, a Pētero, ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana noho ꞌi te henua kē, taꞌe ꞌi te rāua henua mau era, ꞌi te ŋā kona era ko Ponotō, ko Karatia, ko Kāpārōtia, ko ꞌĀtia ꞌe ko Vītīnia.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e te viꞌe haꞌataꞌa e te ꞌAtua māꞌana ē, ꞌe ki taꞌa ŋā poki. E haŋa rahi rō atu ꞌana a au ki a kōrua, ꞌe taꞌe nō ko au, pē ira takoꞌa ꞌana te nuꞌu ko ꞌite ꞌana i te parautiꞌa

3 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e Kāio ē, e te taina haŋa rahi ōꞌoku ē.

Meꞌe Haka Takeꞌa 1:1

Te meꞌe nei e au e ⌊Iovani⌋ ka pāpaꞌi atu ena he meꞌe e ko roa ka topa rō mai ena, he meꞌe i haka ꞌite e te ꞌAtua ki a Ietū Kiritō mo haka ꞌite mai ki a tātou ki tōꞌona tāvini. Nei meꞌe i haka ꞌite mai ai e Ietū hai meꞌe i haka takeꞌa mai e tōꞌona merahi.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 18:20

¡Ka koa kōrua, e te meꞌe taꞌatoꞌa noho ꞌi te raŋi ē! ¡ꞌE ka koa kōrua, e te nuꞌu haꞌataꞌa e te ꞌAtua māꞌana ē, e te ⌊ꞌāpōtoro⌋ ē, ꞌe e te perofeta ē! Ko haka ūtuꞌa ꞌana, paꞌi, e te ꞌAtua i te kona era, ꞌo te meꞌe taꞌe tano aŋa atu ki a kōrua».

Meꞌe Haka Takeꞌa 22:8

I takeꞌa rō ꞌe i ŋaroꞌa rō e au e ⌊Iovani⌋ i te ŋā meꞌe taꞌatoꞌa nei. I takeꞌa era ꞌe i ŋaroꞌa era e au, he tū-turi a au a te vaꞌe o te merahi haka takeꞌa mai era i rā ŋā meꞌe, mo haꞌamuri ki a ia.