Māteo 1:23 - Rapa Nui

²³ «E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Māteo 1:23 Iomraidhean Croise

Māteo 1:24

I ꞌara era a Kōsē, he aŋa i tū meꞌe kī era e te merahi, he toꞌo i a Māria mo viꞌe ꞌāꞌana.

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Ruka 20:44

»Hai kī o Tāvita i te vānaŋa era mo te Kiritō, e ꞌite nei e tātou: te Kiritō taꞌe nō he hakaara o Tāvita.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Aŋa o te ꞌĀpōtoro 18:9

ꞌI te pō e tahi he kī e te ꞌAtua ki a Pauro ꞌi roto i te meꞌe haka takeꞌa e te ꞌAtua: «ꞌIna koe ko riꞌa-riꞌa ꞌe ꞌina koe ko mou. Ka haka ꞌite ka oho nō tāꞌaku roŋo.

Rōmano 8:31

ꞌIna ia he vānaŋa toe mo kī. I ai rō nei te ꞌAtua ꞌi te tātou pāꞌiŋa, ꞌina e tahi kope mo rē mai ki a tātou.

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

2 Kōrinto 5:19

Hai mate era, paꞌi, o Ietū Kiritō ꞌi ruŋa i te tātaurō i aŋa ai e te ꞌAtua i te rāveꞌa mo haka riva-riva i te taŋata ki a ia ꞌe mo taꞌe tapa atu i te rāua hara. ꞌE ki a mātou i vaꞌai mai ai i te aŋa he haka ꞌite he oho i te roŋo nei.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

2 Timoteo 4:17

ꞌĀꞌana mau nō i hāꞌūꞌū mai ꞌe i vaꞌai mai i te pūai mo haka ꞌite ōꞌoku i te roŋo riva-riva o ruŋa o Ietū Kiritō, ꞌe, takoꞌa, mo haka roŋo tahi mai o te nuꞌu taꞌe he hūrio. Pē ira te ꞌAtua i toꞌo ai i a au mai roto i te haha o te reone,

2 Timoteo 4:22

Ka ai i a koe te hāꞌūꞌū o te tātou Pūꞌoko Haka Tere ko Ietū Kiritō, ꞌe te riva rahi o te ꞌAtua ꞌi ruŋa i a kōrua taꞌatoꞌa.