Marko 9:7 - Rapa Nui

⁷ E no-noho nō ꞌā rā nuꞌu, i puru rō ai e te raŋi ꞌe mai roto te reꞌo i kī ai: «He Poki nā ꞌāꞌaku, Poki haŋa rahi; e haꞌatura kōrua ki a ia».

Marko 9:7 Iomraidhean Croise

Māteo 27:43

Te kope ena e haka moe rō ꞌana i tōꞌona manaꞌu ꞌi ruŋa i te ꞌAtua. ¡Ka haka ora ia e te ꞌAtua ꞌi te hora ena, ana ai e haŋa mau rō ꞌā ki a ia! ¿Taꞌe ꞌō ko kī mai ꞌana he Poki a ia o te ꞌAtua?».

Māteo 27:54

I takeꞌa era e te kape o te vaꞌehau ananake ko te nuꞌu vaꞌehau ꞌāꞌana ꞌauario i a Ietū ꞌi ruŋa i te tātaurō i te mākenu-kenu iŋa o te henua ꞌe i te meꞌe taꞌatoꞌa topa, he toꞌo rō atu ꞌai te riꞌa-riꞌa ꞌe he kī: «¡He aŋi mau ꞌana ꞌō te taŋata nei he Poki o te ꞌAtua!».

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Marko 1:11

He ŋaroꞌa i te reꞌo mai te raŋi ka kī: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Marko 9:6

Tū nuꞌu era ꞌa Ietū ko riꞌa-riꞌa atu ꞌā, ꞌe a Pētero kai aŋi-aŋi he aha tāꞌana meꞌe i kī.

Marko 9:8

He uꞌi-uꞌi ia rā nuꞌu a te tapa ꞌi rā hora ꞌe ꞌina e tahi meꞌe o muri i a rāua, ko Ietū mau nō.

Ruka 3:22

he turu te Vārua Maitai ki ruŋa i a ia tuꞌu pa he pāroma, ꞌe he ŋaroꞌa e tahi reꞌo ꞌi te raŋi e kī era: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Iovani 1:34

Ko takeꞌa ꞌana e au i rā meꞌe, ꞌe ko au te mataꞌite: a ia he Poki o te ꞌAtua».

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 12:28

Te meꞌe mau ꞌāꞌaku mo kī: “E Koro, ka haka takeꞌa tuꞌu pūai ki te taŋata ki haꞌamuri atu ai ki a koe”». He ŋaroꞌa ia i te reꞌo e tahi mai te raŋi e kī ꞌana: «Ko haka takeꞌa era ꞌana e au, ꞌe ꞌī a au he haka takeꞌa haka ꞌou».

Iovani 19:7

He pāhono e te nuꞌu hūrio ra-rahi: —E ai rō ꞌana te haka tere iŋa e tahi o mātou, ꞌe, ki rā haka tere, te kī o te kope e tahi he Poki a ia o te ꞌAtua he hape taparahi-taꞌata. Te ūtuꞌa mo te hape nei he tiŋaꞌi he haka mate.

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 5:18

Hai meꞌe nei i ꞌata riri ai rā nuꞌu mo Ietū ꞌe he haŋa mo tiŋaꞌi, taꞌe nō ꞌō ꞌo te taꞌe moꞌa i te mahana haka ora, ꞌo te kī takoꞌa: te ꞌAtua he Matuꞌa ōꞌona, ꞌe hai rā kī iŋa i haka tuꞌu ai he ꞌAtua mau ꞌā a ia.

Iovani 5:37

»ꞌE tōꞌoku Matuꞌa uŋa mai era i vānaŋa takoꞌa rō o ruŋa i a au, ka ai atu ꞌina kōrua kai ŋaroꞌa ꞌā i tōꞌona reꞌo ꞌe kai takeꞌa ꞌā i a ia.

Iovani 6:69

ꞌE a mātou e haka moe rō ꞌana i te manaꞌu ꞌi ruŋa i a koe ꞌe ko ꞌite ꞌā: he kope moꞌa uŋa mai koe e te ꞌAtua.

Iovani 9:35

He ŋaroꞌa e Ietū ko haka eꞌa mau ꞌana i tū taŋata matapō era mai te hare pure hūrio. I piri era ki rā kope he ꞌui: —¿E haka moe rō ꞌana koe i tuꞌu manaꞌu ꞌi ruŋa i te ⌊Poki o te taŋata⌋?

Aŋa o te ꞌĀpōtoro 1:9

I kī era i te meꞌe nei, he iri he oho a Ietū a ruŋa, e uꞌi nō ꞌā e tū nuꞌu era, he viri e te raŋi e tahi ꞌe he ŋaro rō ꞌai.

Aŋa o te ꞌĀpōtoro 7:37

»Ko te Mōtē mau nei ꞌā te meꞌe kī era ki te itaraera: “E haꞌataꞌa rō e te ꞌAtua mai roto i a kōrua e tahi perofeta pa he haꞌataꞌa iŋa nei i a au”.

Aŋa o te ꞌĀpōtoro 8:36

E oho nō ꞌā a te ara, he tuꞌu ki te kona vai e tahi ꞌe he kī e tū taŋata etiopia era: —Nā te vai nā. ¿E ai rō ꞌā hō te meꞌe mo taꞌe haꞌatiꞌa mo papatito i a au? [

ꞌEvereo 2:1

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.

2 Pētero 1:17

I takeꞌa rō, paꞌi, e mātou i te pūai ꞌana-ꞌana ōꞌona hora haka paka era e te ꞌAtua Matuꞌa mai te raŋi pē nei ē: «A ia he poki haŋa rahi ꞌāꞌaku, ꞌi ruŋa i a ia tōꞌoku koa».

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.