Marko 9:3 - Rapa Nui

³ He ꞌuira he tea-tea tōꞌona kahu. Te tea-tea pē ira e ko ravaꞌa e te taŋata ki te hora hopeꞌa ka rahi atu te tata iŋa.

Marko 9:3 Iomraidhean Croise

Māteo 28:3

Rā merahi meꞌe pura atu pa he ꞌuira, te kahu meꞌe rito-rito atu.

Marko 9:4

He takeꞌa e tū ŋā kope era i a ⌊ꞌĒria⌋ ꞌe i a ⌊Mōtē⌋ e vānaŋa ꞌana ki a Ietū.

Ruka 9:29

E pure nō ꞌā he huru kē te ꞌāriŋa o Ietū, ꞌe te kahu he rito-rito ꞌe he ꞌuira.

Aŋa o te ꞌĀpōtoro 10:30

He pāhono e Koronerio: —Ka hā mahana a tuꞌa, pa he hora mau nei ꞌā, ꞌi nei a au ꞌi tōꞌoku hare e pure ꞌā i te pure o te hora toru o te ahi-ahi, he takeꞌa e au e tahi taŋata e uru rō ꞌana i te kahu ko ꞌuira atu ꞌā.

Meꞌe Haka Takeꞌa 19:18

mo kai i te kiko o te ꞌariki, o te kape o te vaꞌehau, o te taŋata haka kē, o te hoi, o te kope eke o ruŋa, o te taꞌatoꞌa nō: o te nuꞌu ꞌekaravo, o te nuꞌu taꞌe he ꞌekaravo, o te nuꞌu hōnui, ꞌe o te nuꞌu taꞌe hōnui!».

Meꞌe Haka Takeꞌa 7:14

—E koro, ko koe i ꞌite —i pāhono ai e au. He kī mai ia: —Te nuꞌu era he nuꞌu eꞌa mai roto i te ꞌati taparahi-taꞌata o te paꞌo iŋa o te ao, ko te nuꞌu haka maꞌitaki era ꞌe haka rito-rito era i te rāua kahu hai toto o te Māmoe.

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.