Marko 9:2 - Rapa Nui

² E ono mahana pe muꞌa mai tū meꞌe era, he iri a Ietū ki ruŋa i te maꞌuŋa ruŋa nui e tahi. Te nuꞌu nō i maꞌu ꞌi muri i a ia ko Pētero, ko ⌊Tanatiako⌋ ꞌe ko ⌊Iovani⌋. ꞌI ira i huru kē ai a Ietū ꞌi muꞌa i rā nuꞌu.

Marko 9:2 Iomraidhean Croise

Māteo 14:13

I ꞌite era e Ietū o ruŋa i rā ꞌati, he eꞌa he oho a ruŋa i te vaka ki te kona ꞌina he taŋata. I ꞌite nō e te nuꞌu, ꞌe he eꞌa mai te rāua kona taꞌatoꞌa noho he oho a ruŋa i te henua ki te kona ꞌi ira a Ietū.

Marko 14:33

He maꞌu ia e Ietū ꞌi muri i a ia i a Pētero, i a ⌊Tanatiako⌋ ꞌe i a Iovani. E oho nō ꞌā ananake he oꞌo te riꞌa-riꞌa ki a Ietū ꞌi te manaꞌu ki te ꞌati ka topa era ki a ia ꞌe he ŋaroꞌa ꞌina ōꞌona haŋu toe mo ꞌamo i rā ꞌati.

Marko 16:12

ꞌI te ahi-ahi o rā mahana, e oho nō ꞌā e rua kope hāpī ꞌa Ietū mai Hērutarema ki te rua kona, he piri a Ietū taꞌe hai huru rava māhani takeꞌa e rāua.

Marko 5:37

ꞌIna kai haꞌatiꞌa e Ietū i te taŋata mo oho ꞌi muri i a ia ki te hare o Hairo. Te nuꞌu nō i maꞌu ko Pētero, ko ⌊Tanatiako⌋ ꞌe ko ⌊Iovani⌋, taina o Tanatiako.

Ruka 6:12

ꞌI rā ŋā mahana, he iri a Ietū ki ruŋa i te maꞌuŋa e tahi mo pure ꞌe i pure ai ka ꞌōtea rō.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

2 Kōrinto 13:1

He toru ara nei ōꞌoku ka oho atu ena uꞌi i a kōrua. ꞌIna ko rehu: mo ai tāꞌue o te tātake ꞌi roto i a kōrua i te taina mo haka tī-tika ka tuꞌu atu ena a au, e ai e rua ꞌo e toru mataꞌite, pa he meꞌe kī ꞌi ruŋa i te ⌊Pāpaꞌi Moꞌa⌋.

Fīripo 3:21

ꞌe he kope haka riro i te hakari mate nei o tātou pa he hakari era ꞌā ōꞌona, hakari pūai ꞌina e ko mate; i a ia, paꞌi, te pūai mo aŋa i te meꞌe taꞌatoꞌa.

Meꞌe Haka Takeꞌa 20:11

He takeꞌa e au i te pepe noho ꞌariki tea-tea e tahi ꞌe i te kope noho ꞌi ruŋa. ꞌI te nui-nui ꞌe ꞌi te ꞌana-ꞌana ōꞌona, he ŋaro te henua ꞌe te raŋi mai muꞌa i a ia, ꞌe ꞌina kai takeꞌa haka ꞌou mai.