Marko 9:12 - Rapa Nui

¹² He kī e Ietū: —He aŋi ꞌā ꞌi raꞌe a ꞌĒria ana tuꞌu mai; māꞌana e haka riva-riva i te meꞌe taꞌatoꞌa. ¿Taꞌe ꞌō e hāꞌaki rō ꞌā ꞌi ruŋa i te ⌊Pāpaꞌi Moꞌa⌋: te Poki o te taŋata e taꞌe haŋa rō e te nuꞌu, ꞌe, takoꞌa, e oꞌo rō te māui-ui ki roto i te ivi?

Marko 9:12 Iomraidhean Croise

Māteo 16:21

Mai rā hora he haꞌamata a Ietū he vānaŋa ki tāꞌana nuꞌu hāpī o ruŋa i te meꞌe ka topa era ki a ia pē nei ē: «E oho a au ki Hērutarema, ꞌe ꞌi ira ka tōtōā mai ena i a au e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E ŋaroꞌa rō e au i te māui-ui ki roto i te ivi. E tiŋaꞌi e haka mate rō i a au ꞌe, ꞌi te toru mahana, e ora haka ꞌou rō mai a au».

Māteo 26:24

ꞌĪ a au he kī atu: te meꞌe taꞌatoꞌa hāꞌaki ꞌi ruŋa i te ⌊Pāpaꞌi Moꞌa⌋ mo topa ki te Poki o te taŋata e ko taꞌe topa; ꞌe, ¡ko te ꞌaroha i te kope māꞌana e vaꞌai ki te nuꞌu! I hau ꞌi te riva mōꞌona ꞌāhani i taꞌe poreko.

Marko 10:33

«Nā ko ꞌite ꞌā e kōrua: ꞌī tātou e oho ꞌana ki Hērutarema. ꞌI ira ka vaꞌai ena i te ⌊Poki o te taŋata⌋ ki te rima o te nuꞌu ⌊oromatuꞌa ra-rahi⌋ ꞌe ki te nuꞌu ⌊maꞌori o te haka tere hūrio⌋. E haꞌaꞌau rō ꞌi roto i a rāua te ūtuꞌa mōꞌona he mate, ꞌe e vaꞌai rō ki te rima o te nuꞌu taꞌe he hūrio.

Marko 9:13

ꞌĪ a au he kī haka ꞌou atu: ko tuꞌu mai ꞌā a ꞌĒria, ꞌe ko aŋa ꞌana e te taŋata i te meꞌe nō era o rāua i haŋa ꞌi ruŋa i a ia, pa he meꞌe hāꞌaki ꞌi ruŋa i te Pāpaꞌi Moꞌa mo topa ki a ia.

Marko 9:31

ꞌo te ai e hāpī ꞌana i tāꞌana nuꞌu. E kī era: «Te Poki o te taŋata e vaꞌai rō ki te rima o te taŋata, e tiŋaꞌi e haka mate rō ꞌe, ꞌi te toru mahana, he ora haka ꞌou».

Ruka 1:76

He vānaŋa ia a Taharia ki tāꞌana poki: «E haŋu ꞌāꞌaku ē, e kī rō i a koe he perofeta o te ꞌAtua, ꞌo te ai māꞌau e haka riva-riva i te ara o te Kiritō

Ruka 23:11

He haꞌamata ia a ꞌErore ananake ko tāꞌana mūtoꞌi he vā-vā ꞌe he haka meꞌe-meꞌe i a Ietū. He haka uru hai kahu hopeꞌa o te tau, ꞌai ka haka hoki haka ꞌou ki a Pirato.

Ruka 23:39

E tahi o tū ŋā taparahi-taꞌata veo era ꞌi muri i a Ietū pē rā ꞌā e kī era: —Mo ai ōꞌou he Kiritō, ¡ka haka ora koe i a koe ꞌe pē ira ꞌā i a māua!

Aŋa o te ꞌĀpōtoro 1:6

ꞌI te mahana e tahi he ꞌui e te nuꞌu taka-taka ꞌi muri i a ia: —E Ietū, ¿he toꞌo koe, ꞌi te hora nei, i te tātou henua mai te rima o te rōmano mo haka tere haka ꞌou e tātou e te itaraera?

Aŋa o te ꞌĀpōtoro 4:11

»A Ietū ko te māꞌea taꞌe haŋa era e kōrua e te nuꞌu aŋa hare, ꞌe, hora nei, ko riro ꞌana he māꞌea matuꞌa haka noho i te hare.