Marko 9:10 - Rapa Nui

¹⁰ Pē ira i taꞌe haka ꞌite ai i tū meꞌe era, ka ai atu ꞌai e ꞌui era ki a rāua ꞌā he aha te auraꞌa o tū meꞌe kī era e Ietū o ruŋa i te ora iŋa haka ꞌou o te Poki o te taŋata mai te mate.

Marko 9:10 Iomraidhean Croise

Māteo 16:22

He toꞌo e Pētero a te tapa he haꞌamata he ture: —¡ꞌIna e ko haꞌatiꞌa e te ꞌAtua, e Ietū ē! ¡Te meꞌe ena e ko topa atu ki a koe!

Marko 9:11

He ꞌui ia e kuā Pētero ki a Ietū: —¿He aha te ⌊maꞌori o te haka tere hūrio⌋ e kī ena: ꞌi raꞌe a ꞌĒria ka tuꞌu mai ena?

Marko 9:32

ꞌIna he aŋi-aŋi ananake i te auraꞌa o tū vānaŋa era ꞌa Ietū ꞌe, ꞌi te riꞌa-riꞌa, ꞌina he haŋa mo ꞌui.

Marko 9:9

I turu i oho era ananake mai ruŋa i rā maꞌuŋa, he kī e Ietū mo taꞌe ꞌaꞌamu e tahi nuꞌu o tū meꞌe takeꞌa era e rāua ꞌātā ki te ora iŋa haka ꞌou mai te mate o te ⌊Poki o te taŋata⌋.

Iovani 12:16

ꞌI rā hora, ꞌina kai aŋi-aŋi e tāꞌana nuꞌu hāpī i te auraꞌa o rā ŋā meꞌe. Ki ora haka ꞌou a Ietū mai te mate, ꞌe ki hoki ki te raŋi, i haka topa iho ai te manaꞌu: te meꞌe taꞌatoꞌa topa era ki a Ietū he meꞌe ko hāꞌaki era ꞌā ꞌi ruŋa i te Pāpaꞌi Moꞌa.

Aŋa o te ꞌĀpōtoro 17:18

He haka tātake ia ki a Pauro e te tētahi nuꞌu maꞌori o te hāpī he ēpikureo ꞌe o te hāpī he ētōiko. ꞌE, ꞌi te huru o te vānaŋa ꞌa Pauro, he ꞌui ki a rāua ꞌā: «¿He aha te meꞌe vānaŋa e te reo-reo era?». ꞌE o te tētahi te kī: «Pa he meꞌe ena: a ia he taŋata haka ꞌite o ruŋa i te ꞌatua o te rua henua». E kī era i te meꞌe nei ꞌo te haka ꞌite o Pauro i te ⌊roŋo riva-riva o ruŋa i a Ietū⌋ ꞌe o ruŋa i te ora o te taŋata mai te mate.