Marko 8:23 - Rapa Nui

²³ He ꞌa-ꞌaru e Ietū i tū taŋata era a te rima he hāꞌere he oho ararua ki haho o Vetetaira. He haka rari i te mata hai ꞌā-ꞌanu ꞌe he haka puā hai rima. I oti era he ꞌui e Ietū: —¿E takeꞌa rō ꞌā koe i te meꞌe?

Marko 8:23 Iomraidhean Croise

Marko 5:23

ꞌe he ani: —E Ietū ē, he mate tāꞌaku poki. Ka oho mai koe ka haka puā i tuꞌu rima ki a ia mo ora o tōꞌona māui-ui ꞌo mate.

Marko 7:33

He toꞌo e Ietū i rā taŋata a te tapa mo haka ꞌava-ꞌava mai muri i te nuꞌu. He ha-haꞌo i tōꞌona maŋa-maŋa rima ki roto i te tariŋa o tū kope era, ꞌe he haka rari hai ꞌā-ꞌanu i tōꞌona maŋa-maŋa rima, ꞌai ka haka puā ki te ꞌarero o rā kope.

Marko 8:24

He uꞌi tū matapō era ꞌe he kī: —ꞌĪ e takeꞌa mai nei i te taŋata. E tuꞌu rō ꞌana pa he tumu e hāꞌere ꞌā.

Marko 8:26

I oti era he haka oho e Ietū ki tōꞌona hare ꞌe he kī: —Ka hoki ena koe, ꞌina ko hipa ki Vetetaira.

Aŋa o te ꞌĀpōtoro 23:19

He ꞌa-ꞌaru ia i te rima o tū poki era e te kōmana, he maꞌu a te tapa, he ꞌui: —¿He aha taꞌa meꞌe mo kī mai?

Aŋa o te ꞌĀpōtoro 9:8

He eꞌa ia a Sauro ki ruŋa. I ꞌara era te mata, ꞌina kai takeꞌa haka ꞌou. He ꞌa-ꞌaru e tū nuꞌu era a te rima he maꞌu he oho ki Rāmako.

ꞌEvereo 8:9

Te haka tere iŋa nei e ko ai pa he haka tere iŋa vaꞌai era e au ki te kōrua tupuna, hora toꞌo mai era e au a te rima mo haka eꞌa mai te henua era ko Ehipto; ꞌe ꞌi te taꞌe haꞌatura o rāua ki rā haka tere iŋa, he hārui e au hai tuaꞌivi, i kī ai e te ꞌAtua.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.