Marko 7:9 - Rapa Nui

⁹ He kī haka ꞌou e Ietū: —Ko haꞌariro ꞌana a kōrua i te haka tere iŋa o te taŋata pa he meꞌe raꞌe mo kōrua, ꞌe ko haka tapa ꞌā i te haka tere iŋa o te ꞌAtua.

Marko 7:9 Iomraidhean Croise

Marko 7:13

Hai haka tere iŋa ena ꞌe hai haka ꞌite ki kope era ki kope era, e taꞌe haka hauhaꞌa ena e kōrua i te roŋo o te ꞌAtua. E rahi rō ꞌā te meꞌe tuꞌu pē nei aŋa e kōrua.

Marko 7:3

(Te hūrio taꞌatoꞌa, paꞌi, ꞌe te fariseo e ko kai, ki te hora hopeꞌa, mo taꞌe hopu ꞌi raꞌe i te rima pa he rāveꞌa kī e te rāua tupuna pē hē ana aŋa.

Marko 7:5

ꞌO ira te fariseo ananake ko te nuꞌu maꞌori o te haka tere hūrio i ꞌui ai ki a Ietū: —¿He aha taꞌa nuꞌu hāpī e taꞌe aŋa ena i te meꞌe kī e te tātou tupuna mo aŋa? ¿He aha e kai ena kai haka maꞌitaki hia i te rima?

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

Karatia 1:14

ꞌI rā noho iŋa, i hau rō atu a au ꞌi te haka kē ki te tētahi nuꞌu o tōꞌoku taŋa mo maꞌu i te hāpī haka rē mai e te mātou tupuna.

Karatia 2:21

Kai taꞌe haka hauhaꞌa a au i te riva rahi o te ꞌAtua pa he nuꞌu era. Mo ai rō, paꞌi, hai haꞌatura ki te haka tere iŋa ꞌa Mōtē e tano ena te taŋata ki te mata o te ꞌAtua, i mate tahaŋa nō ia a Ietū.

2 Tētārōnika 2:4

Te taŋata nei he riri nō te aŋa mo te ꞌAtua ꞌe mo te meꞌe taꞌatoꞌa haꞌamuri e te taŋata pa he ꞌatua. E kī rō e nei taŋata: i a ia te pūai ꞌe te tōroꞌa ꞌata hau rō atu ki te pūai ꞌe ki te tōroꞌa o te ŋā meꞌe taꞌatoꞌa nei, ꞌe ꞌātā e uru rō ki roto i te Kona Haꞌamuri ꞌAtua, e noho rō ꞌe e kī rō ko ia te ꞌAtua.