Marko 7:5 - Rapa Nui

⁵ ꞌO ira te fariseo ananake ko te nuꞌu maꞌori o te haka tere hūrio i ꞌui ai ki a Ietū: —¿He aha taꞌa nuꞌu hāpī e taꞌe aŋa ena i te meꞌe kī e te tātou tupuna mo aŋa? ¿He aha e kai ena kai haka maꞌitaki hia i te rima?

Marko 7:5 Iomraidhean Croise

Māteo 15:2

—¿He aha taꞌa nuꞌu hāpī e taꞌe aŋa ena i te meꞌe kī e te tātou tupuna mo aŋa? ¿He aha e kai ena kai ⌊haka maꞌitaki⌋ hia i te rima hai hopu haŋa māhani aŋa e tātou e te ⌊hūrio⌋?

Marko 7:13

Hai haka tere iŋa ena ꞌe hai haka ꞌite ki kope era ki kope era, e taꞌe haka hauhaꞌa ena e kōrua i te roŋo o te ꞌAtua. E rahi rō ꞌā te meꞌe tuꞌu pē nei aŋa e kōrua.

Marko 7:8

»A kōrua he haka rehu nō te aŋa i te haka tere iŋa o te ꞌAtua mo haka tere hai meꞌe taŋata.

Marko 7:9

He kī haka ꞌou e Ietū: —Ko haꞌariro ꞌana a kōrua i te haka tere iŋa o te taŋata pa he meꞌe raꞌe mo kōrua, ꞌe ko haka tapa ꞌā i te haka tere iŋa o te ꞌAtua.

Aŋa o te ꞌĀpōtoro 21:21

I ŋaroꞌa rō e rāua e hāpī e oho ꞌana koe ki te hūrio taꞌatoꞌa noho i te tētahi henua mo taꞌe haꞌatura haka ꞌou ki te haka tere iŋa ꞌa Mōtē, mo taꞌe hore o te kiri o te kinoŋa o te ŋā poki, ꞌe mo taꞌe maꞌu haka ꞌou i te tātou haka tere iŋa.

Aŋa o te ꞌĀpōtoro 21:24

ka maꞌu ꞌi muri i a koe, ka ⌊haka maꞌitaki⌋ kōrua mo haka tano ki te haka tere iŋa o tātou o te hūrio. E ꞌauhau te rāua meꞌe mo tūtia, ki riva ai a rāua mo haka varu i te pūꞌoko mo haka takeꞌa ko oti ꞌā te rāua hōrea. Pē ira te nuꞌu taina hūrio ka uꞌi ena he reo-reo te vānaŋa kī o ruŋa i a koe, ꞌe he ꞌite ko te haꞌatura iŋa ꞌā a koe i te haka tere iŋa ꞌa Mōtē.

Rōmano 4:12

A ꞌAparahama he matuꞌa takoꞌa o te nuꞌu hore o te kiri o te kinoŋa haka moe i te manaꞌu ꞌi ruŋa i te ꞌAtua, te rāua haka moe iŋa i te manaꞌu pa he haka moe iŋa o te manaꞌu o te mātou tupuna ko ꞌAparahama ꞌi te hora kai hore ꞌana te kiri o te kinoŋa.

Karatia 1:14

ꞌI rā noho iŋa, i hau rō atu a au ꞌi te haka kē ki te tētahi nuꞌu o tōꞌoku taŋa mo maꞌu i te hāpī haka rē mai e te mātou tupuna.

2 Tētārōnika 3:11

ꞌE, hora nei, ko ŋaroꞌa ꞌana e mātou pē nei ē: tētahi o kōrua e hupe-hupe rō ꞌā; te rāua meꞌe aŋa nō he haka mira-mira i te aŋa o te tētahi.

2 Tētārōnika 3:6

E te taina, he kī atu a mātou hai ꞌīŋoa o te tātou Pūꞌoko Haka Tere ko Ietū Kiritō: mo ai ꞌi roto i a kōrua e tahi taina hupe-hupe taꞌe haka tere i a ia hai meꞌe hāpī atu era e mātou, e haka tapa kōrua mai muri.