Marko 7:4 - Rapa Nui

⁴ ꞌE mo hoki o te hūrio mai te kona hoꞌo, he hopu takoꞌa pē ira i te rāua rima ꞌi raꞌe ki te haka puā ki te meꞌe mo kai. E ai takoꞌa rō ꞌā meꞌe rahi haka ꞌou haka tere iŋa o rāua pa he ⌊haka maꞌitaki⌋ iŋa i te hapaina, i te karo, i te pani ꞌe i te kona moe mo kai).

Marko 7:4 Iomraidhean Croise

Māteo 23:25

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E haka tuꞌu ena i a kōrua pa he nuꞌu tano ki te mata o te ꞌAtua ꞌe te kōrua roto e ꞌī rō ꞌā e te fiꞌiꞌi ꞌe e te manaꞌu ki te moni nō, pa he hapaina ꞌo pa he mareti ko tata ꞌā e kōrua a te haho ꞌe te roto ko te ꞌī iŋa ꞌā e te ꞌōꞌone.

Māteo 23:26

¡E te fariseo matapō ē, ka haroꞌi te roto o te hapaina ꞌi raꞌe, ꞌe pē ira ana maꞌitaki takoꞌa te haho!

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Marko 7:8

»A kōrua he haka rehu nō te aŋa i te haka tere iŋa o te ꞌAtua mo haka tere hai meꞌe taŋata.

Iovani 2:6

ꞌI rā kona e ono pāria nu-nui aŋa hai māꞌea, pāria haꞌaputu vai o te ⌊hūrio⌋ mo ⌊haka maꞌitaki⌋ o rāua mo haka tano ki te rāua haka tere iŋa tupuna. Te rahi o te vai mo ꞌī o rā ŋā pāria mai te vaꞌu ꞌahuru ki te hoꞌe hānere ritoro ka tahi.

Iovani 3:25

Tētahi o te nuꞌu hāpī ꞌāꞌana he haꞌamata he tātake ki te hūrio e tahi o ruŋa i te ⌊haka maꞌitaki⌋ iŋa o rāua.

ꞌEvereo 9:10

ꞌo te ai te roŋo o rā haka tere iŋa he meꞌe mau nō o te haho, pa he roŋo o ruŋa i te meꞌe tano mo kai ꞌe mo unu, ꞌe o ruŋa i te ⌊haka maꞌitaki⌋ iŋa. Te ŋā meꞌe nei i hauhaꞌa ai ꞌātā ki te hora mono era e te ꞌAtua hai rua haka tere iŋa.

Tanatiako 4:8

E haka hāhine ki te ꞌAtua, ki haka hāhine atu ai. E te nuꞌu hara ē, ¡ka haka maꞌitaki te kōrua māhatu! E te nuꞌu haŋa ki te ꞌAtua ꞌe ki te haka tere iŋa o te ao nei ē, ¡ka toꞌo te meꞌe rake-rake mai roto i te kōrua māhatu!

1 Iovani 1:7

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.