Marko 6:6 - Rapa Nui

⁶ ꞌE a Ietū ko māere ꞌā ꞌi te nuꞌu o ira ꞌi te taꞌe ⌊haka moe i te manaꞌu⌋ ꞌi ruŋa i a ia. He eꞌa ia a Ietū he oho ki kona era ki kona era e hāpī ꞌā i te taŋata.

Marko 6:6 Iomraidhean Croise

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Māteo 8:10

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

Māteo 9:35

A te kona taꞌatoꞌa e hāpī e oho era e Ietū ꞌi roto i te ⌊hare pure hūrio⌋, e haka ꞌite ꞌā o ruŋa i te roŋo riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā meꞌe rahi nō atu huru o te māui-ui.

Marko 1:39

ꞌI roto i te hare pure hūrio o te kona taꞌatoꞌa o Karirea e haka ꞌite era a Ietū i te roŋo, ꞌe, takoꞌa, e haka eꞌa era i te tātane mai roto i te taŋata.

Marko 10:1

He eꞌa a Ietū mai Kaperenāū, he oho ki Hūrea ꞌe ki te rua pāꞌiŋa o te rio ko Horotana. ꞌI ira te taŋata i taka-taka haka ꞌou ai, ꞌe he haꞌamata a Ietū he hāpī, pa he meꞌe rava aŋa e ia.

Ruka 13:22

ꞌI te ara o Ietū ki Hērutarema, he hāpī te aŋa i te nuꞌu o te kona tuꞌu.

Ruka 4:31

He eꞌa a Ietū he oho ki Kaperenāū, he kona haka ꞌou o Karirea, ꞌe ꞌi te mahana haka ora e hāpī era ꞌi roto i te hare pure hūrio.

Ruka 4:44

Pē ira a Ietū e haka ꞌite e oho era i te ⌊roŋo riva-riva o te ꞌAtua⌋ ꞌi te hare pure hūrio taꞌatoꞌa o tōꞌona henua.

Iovani 9:30

He pāhono e rā taŋata: —¡Ko te meꞌe huru kē! ꞌIna a kōrua he ꞌite mai hē a ia i eꞌa mai ai, ka ai atu ko haka ora ꞌana i tōꞌoku mata.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.