Marko 6:51 - Rapa Nui

⁵¹ He eke ia a Ietū ki ruŋa i te vaka ꞌe he noho rō ꞌai te tokerau. He māere tū nuꞌu era.

Marko 6:51 Iomraidhean Croise

Māteo 8:10

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

Marko 1:27

He riꞌa-riꞌa te nuꞌu taꞌatoꞌa koia ko ꞌui ki a rāua ꞌā: «¿He aha nei? ¡Te huru o tōꞌona hāpī iŋa huru ꞌāpī! ¡Te pūai ꞌātā he haꞌatura e te tātane!».

Marko 2:12

ꞌI tū hora ꞌā, e uꞌi nō ꞌā te taŋata taꞌatoꞌa, he māroa tū kope era, he toꞌo i te raŋo, he eꞌa he oho rō ꞌai. He māere tahi tū nuꞌu era ꞌe he haꞌamata he haꞌahana-hana ki te ꞌAtua e kī era: «¡Kai takeꞌa ꞌā e mātou te meꞌe raꞌe tuꞌu pē nei!».

Marko 4:39

He eꞌa a Ietū ki ruŋa he kī ki te tokerau ꞌe ki te pari: «¡Ka mou! ¡Ka noho!». ꞌI tū hora ꞌā he kiva-kiva te tokerau ꞌe he māria te vai.

Marko 4:41

He riꞌa-riꞌa rō atu ꞌai ananake, ꞌai ka kī ki a rāua ꞌā: «¿Ko ai mau te kope nei? ¡ꞌĀtā te tokerau ꞌe te pari e haꞌatura rō ꞌā ki a ia!».

Marko 5:42

ꞌI tū hora ꞌā he eꞌa ki ruŋa he haꞌere rā poki. He māere tahi rō atu ꞌai ananake. Te matahiti o tū poki era e hoꞌe ꞌahuru mā piti.

Marko 6:32

He oho ia a kuā Ietū ꞌi ruŋa i te vaka ki te kona mo noho ko rāua nō.

Marko 7:37

Ko māere atu ꞌā rā nuꞌu e kī era: «Taꞌatoꞌa meꞌe aŋa e ia meꞌe riva-riva. ¡ꞌĀtā e haka ha-hata nō i te tariŋa o te taŋata tariŋa pō ꞌe e haka vānaŋa nō i te taŋata ꞌina he vānaŋa!».

Iovani 6:21

He koa rō ꞌai ananake ꞌe he haka eke ki ruŋa i te vaka. ꞌE ꞌina kai roa ko tomo ko oti ꞌā ki Kaperenāū.