Marko 6:2 - Rapa Nui

² I tano era te ⌊mahana haka ora⌋, he haꞌamata he hāpī ꞌi roto i te ⌊hare pure hūrio⌋. Nuꞌu rahi i ŋaroꞌa i a Ietū ꞌe he ꞌui ki a rāua ꞌā koia ko māere: —¿ꞌI hē te kope nei i ꞌite ai i te meꞌe taꞌatoꞌa era? ¿O hē tōꞌona mārama-rama ꞌe te pūai mo aŋa i te mana aŋa e ia?

Marko 6:2 Iomraidhean Croise

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Māteo 7:28

I oti era ꞌa Ietū te vānaŋa, he māere tahi te nuꞌu ꞌi te huru o te hāpī iŋa ōꞌona;

Marko 1:39

ꞌI roto i te hare pure hūrio o te kona taꞌatoꞌa o Karirea e haka ꞌite era a Ietū i te roŋo, ꞌe, takoꞌa, e haka eꞌa era i te tātane mai roto i te taŋata.

Marko 10:1

He eꞌa a Ietū mai Kaperenāū, he oho ki Hūrea ꞌe ki te rua pāꞌiŋa o te rio ko Horotana. ꞌI ira te taŋata i taka-taka haka ꞌou ai, ꞌe he haꞌamata a Ietū he hāpī, pa he meꞌe rava aŋa e ia.

Ruka 2:47

He māere tahi te nuꞌu ŋaroꞌa ꞌi te mārama-rama ꞌe ꞌi te huru o tāꞌana vānaŋa e pāhono era.

Ruka 4:15

E hāpī era ꞌi te ⌊hare pure hūrio⌋ o te kona taꞌatoꞌa tuꞌu. Te nuꞌu taꞌatoꞌa o rā ŋā kona e haꞌahana-hana rō ꞌā i a ia.

Iovani 6:42

He kī e rā nuꞌu: «¿Taꞌe ꞌō nei ko Ietū, he poki era ꞌa ⌊Kōsē⌋? Ko māhani ꞌana a tātou i tōꞌona matuꞌa tane ꞌe i tōꞌona matuꞌa vahine. ¿Pē hē ia e kī mai ena mai te raŋi a ia i topa mai ai?».

Iovani 7:15

Te nuꞌu ra-rahi o te hūrio ko māere atu ꞌana e kī era: «¿Pē hē ia te kope ena, kai hāpī ia, i ꞌite rō ai i te ŋā meꞌe taꞌatoꞌa ena?».