Marko 6:12 - Rapa Nui

¹² He eꞌa he oho ia tū nuꞌu hāpī era ꞌa Ietū he kī ki te nuꞌu mo ⌊huri i te manaꞌu ki te ꞌAtua⌋, ki tano ai te rāua noho iŋa ki a ia.

Marko 6:12 Iomraidhean Croise

Māteo 11:1

I oti era a Ietū te uŋa ꞌe te kī i te meꞌe mo aŋa e tū hoꞌe ꞌahuru mā piti nuꞌu hāpī era ꞌāꞌana, he oho he hāpī ꞌe he haka ꞌite i te ⌊roŋo riva-riva o te ꞌAtua⌋ ꞌi te kona taꞌatoꞌa o ira.

Māteo 11:20

He haꞌamata a Ietū he ture ki te nuꞌu o te kona aŋa e ia i te rahi raꞌa o te mana ꞌo te taꞌe huri o te manaꞌu ki ruŋa i te ꞌAtua. Pē nei i kī ai ki rā ŋā kona:

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 3:8

Ka haka tī-tika te kōrua noho iŋa ki takeꞌa ai he parautiꞌa mau ꞌā ko huri ꞌana te kōrua manaꞌu ki te ꞌAtua.

Māteo 4:17

Mai rā hora he haꞌamata a Ietū he tātara: «Ka huri te kōrua manaꞌu ki te ꞌAtua; ko hāhine mai ꞌana te haka tere iŋa ꞌāpī ōꞌona».

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Marko 1:15

Pē nei e kī era: «Nā ko hāhine mai ꞌā te ⌊haka tere iŋa ꞌāpī o te ꞌAtua⌋; ko tano ꞌana, paꞌi, te hora kī era mo tuꞌu mai. ꞌO ira, ka huri te kōrua manaꞌu ki a ia, ka haka tapa mai roto i te hara, ꞌe ꞌai ka haka moe rō te kōrua manaꞌu ꞌi ruŋa i te roŋo riva-riva o te ꞌAtua, ki oꞌo ai a kōrua ki roto i te haka tere iŋa ꞌāpī ōꞌona».

Marko 1:3

Tōꞌona reꞌo e ŋaroꞌa rō ꞌi te kona ꞌone taꞌe noho taŋata: “¡Ka haka riva-riva te ara mo te Kiritō; ka mātaki e tahi ara tī-tika!”».

Ruka 11:32

»Pē ira takoꞌa, te nuꞌu o Nīnive ka eꞌa ena ꞌi te mahana o te haka ūtuꞌa, ꞌe hai rāua ka takeꞌa ena te hape o kōrua; te nuꞌu o ira, paꞌi, i ŋaroꞌa era i te vānaŋa ꞌa Hōnā, he haka moe tahi i te manaꞌu ꞌi ruŋa i te ꞌAtua. ꞌE ꞌi te kona nei te kope ꞌata hau ki a Hōnā.

Ruka 13:3

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia.

Ruka 13:5

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia».

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 15:7

»ꞌĪ a au he kī atu: ꞌata hau rō atu te koa ꞌi te raŋi mo te taŋata hara e tahi huri i tōꞌona manaꞌu ki te ꞌAtua ki te iva ꞌahuru mā iva taŋata manaꞌu e tano rō ꞌana a rāua ki te mata o te ꞌAtua.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 9:6

He eꞌa ia tū nuꞌu hāpī era he haka ꞌite he oho i te ⌊roŋo riva-riva o te ꞌAtua⌋ ꞌi te kona taꞌatoꞌa koia ko haka ora i te māui-ui o te taŋata.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

Aŋa o te ꞌĀpōtoro 26:20

ꞌI raꞌe a au i haka ꞌite ai i te ⌊roŋo riva-riva o te ꞌAtua⌋ ki te nuꞌu o Rāmako, ki oti ki te nuꞌu o Hērutarema ꞌe o te kona taꞌatoꞌa o Hūrea, ꞌe, takoꞌa, ki te nuꞌu taꞌe he hūrio. He kī e au mo haka tapa mai roto i te meꞌe taꞌe tano, mo huri o te manaꞌu ki te ꞌAtua, ꞌe mo aŋa i te meꞌe mo takeꞌa e te nuꞌu he aŋi mau ꞌā ko ⌊huri ꞌana te rāua manaꞌu ki a ia⌋.

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.