Marko 5:12 - Rapa Nui

¹² He ani ia e tū ŋā tātane era ki a Ietū: —Ka haꞌatiꞌa mai koe i a mātou mo uru ki roto i te ŋā oru era.

Marko 5:12 Iomraidhean Croise

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Māteo 7:6

»ꞌIna kōrua ko hāpī ko oho i te vānaŋa moꞌa o te ꞌAtua ki te nuꞌu te rāua aŋa nō he taꞌe haŋa mo haka roŋo ki rā vānaŋa. A rāua pa he paiheŋa taehae ꞌā, ka hoa atu hai meꞌe hauhaꞌa, e ŋau nō atu i a kōrua. A rāua takoꞌa pa he oru ꞌā, ka hoa atu hai meꞌe hauhaꞌa pa he poe, e rei-rei nō.

Marko 5:11

ꞌI te tapa o te maꞌuŋa, hāhine ki tū kona era ꞌi ira ananake, te nūnaꞌa nui-nui o te oru e kai ꞌā.

Marko 5:13

He haꞌatiꞌa ia e Ietū. He eꞌa rā ŋā tātane mai roto i rā taŋata ꞌe he uru ki roto i tū ŋā oru era. He huata a te ꞌōpata, he vī-viri ki roto i te vai ꞌe he emu tahi rō ꞌai. E piti taꞌutini rā ŋā oru.

2 Kōrinto 2:11

ꞌo rē a Rukifero; ko ꞌite ꞌana, paꞌi, e tātou he aha tāꞌana meꞌe haŋa.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.