Marko 4:11 - Rapa Nui

¹¹ He kī e Ietū: «Ki a kōrua te ꞌAtua e haka ꞌite ena i te meꞌe taꞌe ꞌite e te taŋata o ruŋa o tōꞌona haka tere iŋa ꞌāpī. ꞌE ki te nuꞌu taꞌe o roto i rā haka tere iŋa e vānaŋa ena hai ꞌaꞌamu haꞌaauraꞌa,

Marko 4:11 Iomraidhean Croise

Māteo 11:25

ꞌI rā hora i pure i kī ai e Ietū: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai.

Māteo 13:16

»ꞌE, ko te koa i a kōrua ꞌo te ai te kōrua mata e takeꞌa rō ꞌā, ꞌe te kōrua tariŋa e ŋaroꞌa rō ꞌā.

Māteo 16:17

He kī e Ietū: —¡Ko te koa i a koe, e Tīmona, poki ꞌa Hōnā ē! Te meꞌe ꞌite ena e koe taꞌe o te taŋata i haka ꞌite atu, o tōꞌoku Matuꞌa o te raŋi.

Marko 3:23

He kī e Ietū ki rā nuꞌu mo haka hāhine ki muri i a ia ꞌe he haꞌaauraꞌa hai vānaŋa nei: «¿Pē hē a Rukifero ana haka eꞌa i a ia mau ꞌā?

Marko 4:10

I marere i oho era te rahi raꞌa o rā nuꞌu, he topa a Ietū ananake ko tāꞌana ŋāŋata hāpī e hoꞌe ꞌahuru mā piti ꞌe he tētahi nuꞌu haka ꞌou. He ꞌui e rā ŋā nuꞌu i te auraꞌa o tū ꞌaꞌamu era.

Marko 4:2

Meꞌe rahi te meꞌe e hāpī era e Ietū hai ꞌaꞌamu haꞌaauraꞌa. E hāpī nō ꞌā he kī:

Ruka 8:10

He kī e Ietū: «Ki a kōrua te ꞌAtua e haka aŋi-aŋi atu ena i te meꞌe taꞌe ꞌite e te taŋata o ruŋa o tōꞌona haka tere iŋa ꞌāpī. ꞌE, ki te tētahi nuꞌu e vānaŋa nei hai ꞌaꞌamu haꞌaauraꞌa; pē ira ka ꞌata uꞌi atu, e ko takeꞌa, ꞌe ka ꞌata haka roŋo atu, e ko aŋi-aŋi.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Kōrosa 4:5

ꞌE ꞌi te hora taꞌatoꞌa e hāpaꞌo te kōrua noho iŋa ꞌi muꞌa o te nuꞌu taꞌe ⌊haka moe i te manaꞌu⌋ ꞌi ruŋa i a Ietū, ꞌo taꞌe haka au rō atu ꞌi te hora haŋa o kōrua mo vānaŋa ki a rāua o ruŋa i a Ietū.

1 Tētārōnika 4:12

Mo haka tere o kōrua i a kōrua hai ŋā meꞌe nei, he moꞌa atu te nuꞌu taꞌe haka moe i te manaꞌu ꞌi ruŋa i a Ietū ꞌi te takeꞌa i te kōrua noho iŋa tano, ꞌe ꞌina ia e ko ai kōrua pa he meꞌe paŋahaꞌa mo ꞌamo e te rua, he taꞌe hape o te kōrua meꞌe.

1 Timoteo 3:7

E ai takoꞌa he taŋata e moꞌa rō ꞌana e te nuꞌu taꞌe haka moe i te manaꞌu ꞌi ruŋa i a Ietū. Pē ira e ko vānaŋa taꞌe tano o ruŋa i rā kope ꞌe e ko ravaꞌa e Rukifero.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.