Marko 3:9 - Rapa Nui

⁹ ꞌO ira a Ietū i kī ai ki tāꞌana nuꞌu hāpī mo haka riva-riva e tahi vaka mo eke ōꞌona ꞌo rei-rei i a ia e te taŋata.

Marko 3:9 Iomraidhean Croise

Māteo 15:39

I oti era he haka oho e Ietū i te nuꞌu ki te rāua hare, he eke ki ruŋa i te vaka ꞌe he oho ki te kona ko Makarana.

Marko 4:1

He oho haka ꞌou a Ietū he hāpī ꞌi te taha-taha o te vai era ko Karirea. ꞌI te rahi o te taŋata e taka-taka era, he eke he noho ꞌi ruŋa i te vaka o roto i te vai, ꞌai ka hāpī i te nuꞌu o ꞌuta.

Marko 4:36

He haka rē i tū nuꞌu taꞌatoꞌa era ꞌe he oho ananake a ruŋa i te vaka era mai ruŋa i hāpī ai. ꞌI muri takoꞌa i oho ai te tētahi vaka.

Marko 5:2

I topa era a Ietū mai ruŋa i te vaka, he haka hāhine e tahi taŋata eꞌa mai roto i te menemā ko oꞌo ꞌā e te tātane.

Marko 5:30

I ŋaroꞌa era e Ietū ko eꞌa ꞌana te mana haka ora māui-ui mai ruŋa i a ia, he hārui he uꞌi a ruŋa i te taŋata ꞌe he ꞌui: —¿ꞌA ꞌai tōꞌoku kahu i haka puā mai?

Marko 6:32

He oho ia a kuā Ietū ꞌi ruŋa i te vaka ki te kona mo noho ko rāua nō.

Ruka 5:1

E tahi mahana e noho nō ꞌā a Ietū ꞌi te taha-taha o te vai ko Henetareta, he ŋaroꞌa ko pi-piri ꞌā a ia ꞌi te rahi o te taŋata oho mo haka roŋo i te ⌊roŋo riva-riva o te ꞌAtua⌋.

Ruka 5:3

He turu a Ietū he eke ki ruŋa i te vaka o Tīmona ꞌe he kī mo haka ꞌava-ꞌava ꞌiti-ꞌiti mai te taha-taha. He noho ꞌe mai ruŋa i haꞌamata i hāpī ai i te taŋata.

Iovani 6:15

ꞌE, ꞌi te ꞌite o Ietū ko haŋa ꞌana rā nuꞌu mo ꞌa-ꞌaru i a ia mo maꞌu mo haka ꞌariki, he eꞌa he iri ki ruŋa era o te maꞌuŋa hoko tahi nō.