Marko 3:7 - Rapa Nui

⁷ E tahi mahana he oho a Ietū ananake ko tāꞌana nuꞌu hāpī ki te taha-taha o te vai era ko Karirea. ꞌI muri i a rāua i oho ai meꞌe rahi taŋata noho hāhine ki ira.

Marko 3:7 Iomraidhean Croise

Māteo 10:23

»Mo tute mo tōtōā atu i a kōrua ꞌi te kona nūnaꞌa hare e tahi, ka tere ki te rua. ꞌĪ a au he kī atu: te ⌊Poki o te taŋata⌋ ꞌi raꞌe ka hoki mai ena ki te oti o te kōrua aŋa ꞌi te kona taꞌatoꞌa o Itaraera.

Māteo 12:15

I ꞌite era a Ietū, he eꞌa he oho mai tū kona era, ꞌe meꞌe rahi nuꞌu i oho ꞌi muri. He haka ora i te nuꞌu taꞌatoꞌa māui-ui,

Māteo 12:16

ꞌe he kī mo taꞌe vānaŋa o ruŋa i a ia ꞌi te kona taŋata.

Māteo 4:25

Meꞌe rahi nō atu nuꞌu o Karirea, o Rēkāpori, o Hērutarema, o Hūrea ꞌe o te pāꞌiŋa eꞌa o te raꞌā o te rio ko Horotana i oho ꞌi muri i a Ietū.

Marko 1:39

ꞌI roto i te hare pure hūrio o te kona taꞌatoꞌa o Karirea e haka ꞌite era a Ietū i te roŋo, ꞌe, takoꞌa, e haka eꞌa era i te tātane mai roto i te taŋata.

Marko 1:45

Kai mou rā kope; i ꞌaꞌamu nō ki te taꞌatoꞌa. ꞌO ira ꞌina he tano haka ꞌou a Ietū mo tuꞌu ki te kona nūnaꞌa hare e ꞌite rō ꞌana e te nuꞌu ꞌo putu-putu ꞌi muri. Te aŋa ia ꞌa Ietū he noho a te kona ꞌina he rahi e te taŋata. ꞌE, ka ai atu pē ira, ko te tuꞌu iŋa ꞌā ki a ia te nuꞌu mai te kona taꞌatoꞌa.

Marko 3:20

I hoki era a kuā Ietū ki te hare noho o rāua, he taka-taka haka ꞌou te taŋata ꞌi ira. ꞌI te rahi, ꞌina he ravaꞌa te hora mo kai o rāua.

Marko 4:1

He oho haka ꞌou a Ietū he hāpī ꞌi te taha-taha o te vai era ko Karirea. ꞌI te rahi o te taŋata e taka-taka era, he eke he noho ꞌi ruŋa i te vaka o roto i te vai, ꞌai ka hāpī i te nuꞌu o ꞌuta.

Ruka 23:5

He ꞌata kī e tū nuꞌu era: —Hai hāpī ꞌāꞌana e haka tumu ena i te ture ꞌi roto i te taŋata. I haꞌamata ai ꞌi Karirea, ꞌe, hora nei, ꞌī e aŋa ꞌā ꞌi Hūrea.

Ruka 6:12

ꞌI rā ŋā mahana, he iri a Ietū ki ruŋa i te maꞌuŋa e tahi mo pure ꞌe i pure ai ka ꞌōtea rō.

Ruka 6:17

He turu a Ietū mai ruŋa i te maꞌuŋa ananake ko tū nuꞌu era. I topa era he no-noho ꞌi te kona pararaha e tahi. Ko taka-taka era ꞌā ꞌi rā kona meꞌe rahi nuꞌu hāpī haka ꞌou ꞌāꞌana ꞌe meꞌe rahi nuꞌu o te kona taꞌatoꞌa o Hūrea, o Hērutarema, o Tiro ꞌe o Tīrone.

Iovani 7:41

Tētahi e kī era: «Te kope era he Kiritō». ꞌE tētahi atu e kī era: «ꞌIna. Taꞌe, paꞌi, o te kona era ko Karirea te Kiritō.

Iovani 7:52

He pāhono e rā nuꞌu: —¿A koe takoꞌa o Karirea? Ka hāpī i te meꞌe hāꞌaki ꞌi ruŋa i te Pāpaꞌi Moꞌa ꞌe he takeꞌa e koe mau ꞌā ꞌina he perofeta o Karirea. [

Aŋa o te ꞌĀpōtoro 17:10

I pō era, he haka oho e te nuꞌu taina o Tētārōnika i a Pauro ararua ko Tira ki Vērea. I tuꞌu era he oho tī-tika ki te hare pure hūrio.

Aŋa o te ꞌĀpōtoro 17:14

ꞌI rā hora mau ꞌā he maꞌu i a Pauro e te taina o Vērea ki taha tai mo eke ki ruŋa i te pahī. ꞌE a Tira ararua ko Timoteo ꞌi ira ꞌā i noho ai.