Marko 3:22 - Rapa Nui

²² ꞌE o te ⌊maꞌori o te haka tere hūrio⌋ tuꞌu mai Hērutarema te kī: «Ko oꞌo ꞌā a Veresepupa, pūꞌoko o te tātane, ki roto i te kope era ꞌe ko vaꞌai ꞌā i te parau mo haka eꞌa i te tātane mai roto i te taŋata».

Marko 3:22 Iomraidhean Croise

Māteo 10:25

Te meꞌe topa ki te maꞌori hāpī e ko taꞌe topa takoꞌa ki tāꞌana nuꞌu hāpī, ꞌe te meꞌe topa ki te taŋata ꞌāꞌana te haka aŋa e ko taꞌe topa takoꞌa ki tōꞌona tāvini. Mo kī mai e te nuꞌu ki a au ko ⌊Veresepupa⌋, pē ira takoꞌa ꞌā ka kī atu ena ki a kōrua ki tāꞌaku nuꞌu hāpī.

Māteo 11:18

»Te auraꞌa: ko tuꞌu mai ꞌana a Iovani Papatito e tapu rō ꞌana i te kai ꞌe ꞌina he unu i te ꞌava; i kī ai e kōrua ko oꞌo ꞌana e te tātane.

Māteo 12:24

I ŋaroꞌa era e te fariseo, he kī: «ꞌA Veresepupa, pūꞌoko o te tātane, i vaꞌai ki a ia i te mana mo haka eꞌa mai roto i te taŋata i te tātane».

Māteo 15:1

E tahi mahana tētahi nuꞌu ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai Hērutarema he haka hāhine ki a Ietū he ꞌui:

Māteo 9:34

ꞌE he kī e te fariseo: «O te pūꞌoko haka tere mau ꞌā o te tātane i vaꞌai ki a ia i te mana mo haka eꞌa i te tātane».

Marko 7:1

E tahi mahana he haka hāhine ki a Ietū te nuꞌu ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai Hērutarema.

Ruka 11:15

He kī e te tētahi: «A Veresepupa, pūꞌoko o te tātane, i vaꞌai i te mana ki te taŋata ena mo haka eꞌa i te tātane».

Ruka 5:17

E tahi mahana e hāpī ꞌā a Ietū i te nuꞌu. ꞌE, ꞌi te hare ꞌi ira a ia, e no-noho rō ꞌā tētahi ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai te kona taꞌatoꞌa o Karirea, o Hūrea ꞌe o Hērutarema. Te pūai o te ꞌAtua ꞌi ruŋa i a Ietū mo haka ora i te māui-ui.

Iovani 10:22

Rā hora he toŋa, ꞌe ꞌi Hērutarema e aŋa ꞌana i te ⌊ŋoŋoro o te haꞌamoꞌa⌋, ŋoŋoro haka manaꞌu ki te mahana haꞌamoꞌa i te Kona Haꞌamuri ꞌAtua.

Iovani 7:20

He pāhono e te taŋata: —¡Ko oꞌo ꞌana koe e te tātane! ¿Ko ai te meꞌe haŋa mo tiŋaꞌi atu i a koe?

Iovani 8:48

He kī ia e te hūrio ra-rahi: —¿Ko takeꞌa ꞌā? He aŋi mau ꞌā te mātou meꞌe kī: o ⌊Tāmāria⌋ koe ꞌe ꞌi roto i a koe te tātane.

Iovani 8:52

He pāhono e te hūrio: —Ko tano mau ꞌā te manaꞌu o mātou: nā ꞌi roto i a koe te tātane. A ꞌAparahama, paꞌi, ananake ko te perofeta taꞌatoꞌa ko mā-mate tahi ꞌana, ꞌe, ¿nā koe e kī ꞌā te kope haka roŋo i taꞌa vānaŋa, ꞌina e ko mate?