Marko 3:10 - Rapa Nui

¹⁰ ꞌI te rahi o te nuꞌu haka ora e ia, ꞌai e rere era te nuꞌu māui-ui taꞌatoꞌa ki ruŋa mo haka puā.

Marko 3:10 Iomraidhean Croise

Māteo 12:15

I ꞌite era a Ietū, he eꞌa he oho mai tū kona era, ꞌe meꞌe rahi nuꞌu i oho ꞌi muri. He haka ora i te nuꞌu taꞌatoꞌa māui-ui,

Māteo 14:14

I topa era a Ietū mai ruŋa i te vaka, he takeꞌa i te rahi o te nuꞌu; he haka ꞌaroha i a rāua ꞌe he haka ora i te nuꞌu māui-ui maꞌu ki a ia.

Māteo 14:36

ꞌe he ani mo haka rē i a rāua mo haka puā korohaŋa ki te titi o tōꞌona kahu; ꞌe taꞌatoꞌa nuꞌu haka puā, he ora te māui-ui.

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Marko 6:56

Kona nō era ꞌi ira a Ietū, ka ai atu ꞌi ꞌuta ꞌo ꞌi te kona nūnaꞌa hare, ꞌai te taŋata e haka rē era i te rāua māui-ui a te kona a ira ka vari era. ꞌE, e vari e oho era a Ietū, he ani e te māui-ui mo haꞌatiꞌa i a rāua mo haka puā ka ai atu ki te titi o tōꞌona kahu; ꞌe taꞌatoꞌa taŋata haka puā, he ora te rāua māui-ui.

Marko 8:22

He tuꞌu ia a kuā Ietū ki Vetetaira. ꞌI ira i maꞌu ai e te nuꞌu i te taŋata matapō ki a Ietū, he ani mo haka puā hai rima mo ora o tōꞌona mata.

Ruka 5:3

He turu a Ietū he eke ki ruŋa i te vaka o Tīmona ꞌe he kī mo haka ꞌava-ꞌava ꞌiti-ꞌiti mai te taha-taha. He noho ꞌe mai ruŋa i haꞌamata i hāpī ai i te taŋata.

Ruka 6:19

Taꞌatoꞌa e uꞌi era i te rāveꞌa mo haka puā ki a Ietū; he ora, paꞌi, te rāua māui-ui ꞌi te mana eꞌa mai ruŋa i a ia.

Ruka 7:2

ꞌI ira e noho era e tahi taŋata he kape o te vaꞌehau rōmano e ai rō ꞌana e tahi ōꞌona tāvini haŋa rahi. Te taŋata tāvini nei ko rahi ꞌana te māui-ui ꞌe ko hāhine ꞌā mo mate.

Ruka 7:21

ꞌI rā hora e haka ora ꞌana e Ietū meꞌe rahi māui-ui ꞌe maꞌi o te nuꞌu, e haka eꞌa ꞌā i te tātane, ꞌe e haka ora ꞌā i te mata o te nuꞌu matapō.

Aŋa o te ꞌĀpōtoro 5:15

Te aŋa o te taŋata he maꞌu i te māui-ui ki te ara e haka moe rō ꞌana ꞌi ruŋa i te roꞌi ꞌe ꞌi ruŋa i te raŋaria, koiꞌite ka vari era a Pētero he ora te māui-ui hai kohu ōꞌona.

ꞌEvereo 12:6

Te ꞌAtua, paꞌi, e haka tī-tika rō ꞌana i te kope haŋa e ia, ꞌe e vaꞌai rō ꞌana ki te kope toꞌo mo poki ꞌāꞌana i te ūtuꞌa tano mo tōꞌona taꞌe haꞌatura.»?