Marko 2:5 - Rapa Nui

⁵ I takeꞌa era e Ietū te haka moe iŋa o rā nuꞌu i te rāua manaꞌu ꞌi ruŋa i a ia mo te ora o tū māui-ui era, he kī ki rā kope: «E haŋu, ko haka kore ꞌā tuꞌu hara».

Marko 2:5 Iomraidhean Croise

Māteo 9:2

ꞌI ira te nuꞌu i maꞌu ai ki a ia i te taŋata hakari taꞌe makenu e moe rō ꞌana ꞌi ruŋa i te raŋo. I takeꞌa era i te rahi o te haka moe iŋa o te manaꞌu o rā nuꞌu ꞌi ruŋa i a ia mo ora o rā māui-ui, he kī e Ietū ki tū taŋata hakari taꞌe makenu era: «¡Kiahio koe, e haŋu ē! Ko haka kore ꞌā e au i tuꞌu hara».

Māteo 9:22

He hārui he uꞌi a Ietū a tuꞌa, he takeꞌa i rā viꞌe ꞌe he kī: «Kiahio koe, e vovo ē. He haka moe ōꞌou i tuꞌu manaꞌu ꞌi ruŋa i a au i ora ena tuꞌu māui-ui». ꞌE mai rā hora he ora rō ꞌai rā viꞌe.

Māteo 9:5

Ki a kōrua, ¿ꞌata aŋarahi mo haka kore i te hara ki te haka ora i te māui-ui? ¿Taꞌe ꞌō hai parau nō o te ꞌAtua te ŋā meꞌe nei e aŋa ena?

Marko 2:6

E no-noho rō ꞌana ꞌi rā kona tētahi ⌊maꞌori o te haka tere hūrio⌋ he māere ꞌai ka ꞌui ꞌi roto i a rāua ꞌā:

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Ruka 5:20

I takeꞌa era e Ietū i te rahi o te rāua haka moe iŋa i te manaꞌu ꞌi ruŋa i a ia mo te ora o tū taŋata era, he kī ki tū māui-ui era: «E hoa, ko haka kore ꞌā tuꞌu hara».

Ruka 8:48

He kī e Ietū: —E vovo, a koe i ora ena ꞌo te haka moe ōꞌou i te manaꞌu ꞌi ruŋa i a au. Ka oho riva-riva.

Iovani 2:25

Mo Ietū e topa nō ꞌā te meꞌe ena he kī ōꞌou o ruŋa i te huru o te taŋata. Ko ꞌite riva-riva ꞌana, paꞌi, pē hē te rāua māhatu.

Iovani 5:14

I oho era he piri haka ꞌou a Ietū ki rā kope ꞌi te ⌊Kona Haꞌamuri ꞌAtua⌋ ꞌe he kī: «Ka haka roŋo mai. Nā ko ora ꞌā tuꞌu māui-ui. ꞌIna koe ko hara haka ꞌou ꞌo topa atu te ꞌati ꞌata paŋahaꞌa».

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 14:9

Te taŋata nei e haka roŋo ꞌā i te vānaŋa ꞌa Pauro. He pupura ia e Pauro ꞌe he aŋi-aŋi e haka moe rahi rō ꞌana rā taŋata i te manaꞌu ꞌi ruŋa i te ꞌAtua mo tōꞌona ora.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

1 Kōrinto 11:30

ꞌO te aŋa i te meꞌe nei meꞌe rahi o kōrua ko māui-ui ꞌā, ko rehe-rehe ꞌana te hakari ꞌe tētahi ko mā-mate ꞌā.

2 Kōrinto 2:10

Te meꞌe haŋa ꞌi te hora nei he haka rehu e kōrua i te meꞌe taꞌe tano aŋa era e rā kope. Rā meꞌe ko haka rehu ꞌana e au, ꞌe ko ꞌite ꞌana e te ⌊Kiritō⌋: hai māhatu a au i haka rehu ai. I aŋa ai a au pē ira mo te kōrua riva-riva,

Ēfeto 2:8

ꞌI te riva rahi o te ꞌAtua ko haka eꞌa ꞌana i a tātou mai roto i te ūtuꞌa o te hara ꞌo te haka moe o tātou i te manaꞌu ꞌi ruŋa i a Ietū. Taꞌe he meꞌe i ravaꞌa e tātou, he meꞌe o te ꞌAtua i vaꞌai mai,

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.

Tanatiako 5:15

ꞌE ka pure era e haka moe rō ꞌana i te manaꞌu ꞌi ruŋa i a Ietū, he haka ora e Ietū i tōꞌona māui-ui, ꞌe mo ai ko hara ꞌā, he haka kore i tōꞌona hara.