Marko 2:18 - Rapa Nui

¹⁸ He tuꞌu te mahana he tapu te nuꞌu hāpī ꞌa Iovani Papatito ꞌe te nuꞌu fariseo i te kai, he rāveꞌa o te rāua haka tere iŋa mo haka koa o te ꞌAtua. He oho ia e te tētahi he kī ki a Ietū: —Te nuꞌu hāpī ꞌa Iovani ꞌe o te fariseo e tapu ꞌā i te kai. ¿He aha taꞌa nuꞌu hāpī e taꞌe tapu ena?

Marko 2:18 Iomraidhean Croise

Māteo 23:5

Te meꞌe taꞌatoꞌa aŋa e rāua mo takeꞌa nō e te taŋata. ꞌE te meꞌe haŋa rahi mo aŋa he ꞌata haka nui-nui i te ꞌavahata here ꞌi ruŋa i te tira ꞌe i te rima ꞌi roto te parau pāpaꞌi hai meꞌe o ruŋa i te ⌊Pāpaꞌi Moꞌa⌋. ꞌE te meꞌe haŋa takoꞌa he uru i te kahu ko kumi ko kumi te vere-vere,

Māteo 6:16

»Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Māteo 6:18

ꞌo ꞌite e te nuꞌu e tapu ꞌana a koe. ꞌE mo tuꞌu Matuꞌa o te raŋi, taꞌe takeꞌa e koe, e ꞌite. A ia, paꞌi, e ꞌite rō ꞌana i te meꞌe taꞌe ꞌite e te rua taŋata, ꞌe māꞌana e vaꞌai atu i te meꞌe mo koa.

Marko 2:19

He pāhono e Ietū: —¿E tapu mau rō i te kai te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? E ko tapu.

Ruka 18:12

A au e tapu rō ꞌana i te kai e rua mahana ꞌi te tāpati ꞌe e haꞌataꞌa rō ꞌana e tahi tara mōꞌou o roto o te hoꞌe ꞌahuru tara ꞌauhau mai o tāꞌaku aŋa, pa he meꞌe kī e ⌊Mōtē⌋”.

Rōmano 10:3

Mo rāua, paꞌi, taꞌe he parautiꞌa te rāveꞌa vaꞌai e te ꞌAtua mo tano o te taŋata ki tōꞌona mata. ꞌO ira e aŋa ena hai rāveꞌa mau ꞌana o rāua, ꞌe ꞌina he haŋa ki te rāveꞌa vaꞌai e te ꞌAtua.