Marko 2:16 - Rapa Nui

¹⁶ Tētahi ⌊fariseo⌋, maꞌori o te haka tere hūrio, i takeꞌa rō i a Ietū e kai ꞌana ananake ko tū nuꞌu era. ꞌO ira i kī ai ki te nuꞌu hāpī ꞌa Ietū: —¿Pē hē i manaꞌu ai te kōrua maꞌori mo kai ꞌi muri i te nuꞌu haka ꞌauhau hai moni mo te rōmano ꞌe ꞌi muri i te nuꞌu hara?

Marko 2:16 Iomraidhean Croise

Māteo 18:17

ꞌE mo taꞌe haka roŋo ki rā ŋā mataꞌite, ka kī ki te nūnaꞌa taŋata taꞌatoꞌa o rā kona ⌊haka moe i te manaꞌu⌋ ꞌi ruŋa i te ꞌAtua. ꞌE mo taꞌe haka roŋo ki rā nuꞌu, ka haꞌariro pa he taŋata kai ꞌite ko ai te ꞌAtua parautiꞌa ꞌo pa he ⌊nuꞌu haka ꞌauhau i te taŋata hai moni mo te rōmano⌋.

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 9:11

I takeꞌa era i rā meꞌe e te ⌊fariseo⌋, he ꞌui ki te nuꞌu hāpī ꞌa Ietū: —¿He aha te kōrua maꞌori e kai ena ananake ko te nuꞌu haka ꞌauhau i te taŋata hai moni mo te rōmano ꞌe ananake ko te tētahi haka ꞌou atu nuꞌu hara?

Marko 2:15

Kai roa, a Ietū ananake ko tāꞌana nuꞌu hāpī e kai ꞌā ꞌi te hare o Rēvī. ꞌI ira ꞌi ruŋa i te ꞌamuramaꞌa takoꞌa meꞌe rahi ⌊nuꞌu haka ꞌauhau i te moni mo te rōmano⌋, ꞌe pē ira ꞌana tētahi atu nuꞌu hara. E rahi rō ꞌana, paꞌi, te nuꞌu hara oho ꞌi muri i a Ietū.

Marko 2:7

«¿Pē hē te kope era i manaꞌu ai mo kī pē rā? Vānaŋa taꞌe tano te vānaŋa era mo te ꞌAtua. Ko ia mau nō, paꞌi, te meꞌe haka kore i te hara».

Ruka 18:11

»He māroa rā fariseo he pure a roto i a ia ꞌā: “E te ꞌAtua ē, he māuru-uru atu a au ꞌo te taꞌe ai ōꞌoku pa he tētahi nuꞌu: he toke-toke, he taparahi-taꞌata, he taiꞌata; ꞌe, takoꞌa, ꞌo te taꞌe ai ōꞌoku pa he taŋata era ai, haka ꞌauhau i te nuꞌu hai moni mo te rōmano.

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Ruka 19:7

I takeꞌa era e te taŋata, he haꞌamata he hēŋuꞌi-ŋuꞌi o ruŋa i a Ietū pē nei ē: «Ko oho ꞌā noho ꞌi te hare o te taŋata hara».

Ruka 5:30

Te fariseo ꞌe te maꞌori o te haka tere hūrio he haꞌamata he hēŋuꞌi-ŋuꞌi ꞌe he kī ki te nuꞌu hāpī ꞌa Ietū: —¿He aha a kōrua e kai ꞌe e unu ena ꞌi muri i te ⌊nuꞌu haka ꞌauhau i te taŋata hai moni mo te rōmano⌋ ꞌe ꞌi muri i te tētahi nuꞌu hara?

Aŋa o te ꞌĀpōtoro 23:9

Taꞌatoꞌa e pōŋeha era. He māroa ia te tētahi ⌊maꞌori o te haka tere hūrio⌋, he fariseo, he kī: «Te taŋata nei ꞌina kai aŋa e tahi meꞌe rake-rake; o te vārua ꞌo o te merahi pēaha i vānaŋa ki a ia».

1 Kōrinto 2:15

Te kope ꞌi roto i a ia te Vārua Maitai e aŋi-aŋi rō ꞌana i te meꞌe taꞌatoꞌa haka ꞌite e te Vārua Maitai. ꞌE te kope ꞌina he Vārua Maitai o roto i a ia, ꞌina he aŋi-aŋi i te manaꞌu o te nuꞌu e ai rō ꞌā ꞌi roto i a rāua te Vārua Maitai.

ꞌEvereo 12:3

E haka topa te tātou manaꞌu pē hē a Ietū i haꞌaoromaꞌi ai i te meꞌe taꞌatoꞌa taꞌe tano aŋa e te nuꞌu hara ki a ia; ꞌo ira ꞌina kōrua ko rohi-rohi ꞌe ꞌina ko hōriŋa