Marko 2:13 - Rapa Nui

¹³ ꞌI te mahana e tahi he hoki a Ietū ki te taha-taha o te vai era ko Karirea. E haꞌere nō ꞌana, he piri te taŋata ꞌe he hāpī he oho e Ietū.

Marko 2:13 Iomraidhean Croise

Māteo 13:1

ꞌI rā mahana mau ꞌā, he eꞌa a Ietū mai te hare noho o rāua he oho he noho ꞌi te taha-taha o te vai.

Māteo 9:9

He oho ia a Ietū mai tū kona era, he takeꞌa i te taŋata e tahi te ꞌīŋoa ko Māteo e noho rō ꞌana ꞌi tōꞌona kona aŋa. A ia he kope haka ꞌauhau i te taŋata hai moni mo te rōmano. He kī: «Ka oho mai koe mo taŋata hāpī ꞌāꞌaku». He eꞌa a Māteo he oho ꞌi muri.

Marko 1:45

Kai mou rā kope; i ꞌaꞌamu nō ki te taꞌatoꞌa. ꞌO ira ꞌina he tano haka ꞌou a Ietū mo tuꞌu ki te kona nūnaꞌa hare e ꞌite rō ꞌana e te nuꞌu ꞌo putu-putu ꞌi muri. Te aŋa ia ꞌa Ietū he noho a te kona ꞌina he rahi e te taŋata. ꞌE, ka ai atu pē ira, ko te tuꞌu iŋa ꞌā ki a ia te nuꞌu mai te kona taꞌatoꞌa.

Marko 10:1

He eꞌa a Ietū mai Kaperenāū, he oho ki Hūrea ꞌe ki te rua pāꞌiŋa o te rio ko Horotana. ꞌI ira te taŋata i taka-taka haka ꞌou ai, ꞌe he haꞌamata a Ietū he hāpī, pa he meꞌe rava aŋa e ia.

Marko 2:2

he ꞌī e te nuꞌu te hare ꞌi ira a ia ꞌātā ki haho. He vānaŋa e Ietū o ruŋa i te ⌊roŋo riva-riva o te ꞌAtua⌋.

Marko 4:1

He oho haka ꞌou a Ietū he hāpī ꞌi te taha-taha o te vai era ko Karirea. ꞌI te rahi o te taŋata e taka-taka era, he eke he noho ꞌi ruŋa i te vaka o roto i te vai, ꞌai ka hāpī i te nuꞌu o ꞌuta.

Ruka 19:48

ꞌE, ꞌo te ai he taka-taka nō te aŋa o te taŋata mo haka roŋo i tāꞌana vānaŋa, ꞌina he ravaꞌa.

Ruka 21:38

ꞌE, ꞌi te pō era ꞌā, te taŋata taꞌatoꞌa e oho era ki te Kona Haꞌamuri ꞌAtua haka roŋo i a Ietū.