Marko 2:12 - Rapa Nui

¹² ꞌI tū hora ꞌā, e uꞌi nō ꞌā te taŋata taꞌatoꞌa, he māroa tū kope era, he toꞌo i te raŋo, he eꞌa he oho rō ꞌai. He māere tahi tū nuꞌu era ꞌe he haꞌamata he haꞌahana-hana ki te ꞌAtua e kī era: «¡Kai takeꞌa ꞌā e mātou te meꞌe raꞌe tuꞌu pē nei!».

Marko 2:12 Iomraidhean Croise

Māteo 12:23

Te nuꞌu taꞌatoꞌa he māere he ꞌui ki a rāua ꞌā: «¿Ko te Hakaara era hō rā o Tāvita?».

Māteo 15:31

He māere te taŋata ꞌi te takeꞌa i te nuꞌu taꞌe vānaŋa ko vānaŋa ꞌā, i te nuꞌu rima rehe-rehe ko ora ꞌana, i te nuꞌu vaꞌe koke ko haꞌere ꞌā ꞌe i te nuꞌu matapō ko takeꞌa ꞌana. ꞌE he haꞌamata rō ꞌai he haꞌahana-hana ki te ꞌAtua o te itaraera.

Māteo 9:33

I haka eꞌa era e Ietū i rā tātane, he haꞌamata he vānaŋa rā taŋata. Te nuꞌu ko māere atu ꞌā e kī era: «¡ꞌIna kai takeꞌa ꞌā ki te hora hopeꞌa i te meꞌe tuꞌu pē nei ꞌi Itaraera!».

Māteo 9:8

I takeꞌa era e te nuꞌu i tū meꞌe era, he riꞌa-riꞌa ꞌe he haꞌahana-hana ki te ꞌAtua ꞌo te vaꞌai i te pūai pē ira ki te taŋata.

Marko 1:27

He riꞌa-riꞌa te nuꞌu taꞌatoꞌa koia ko ꞌui ki a rāua ꞌā: «¿He aha nei? ¡Te huru o tōꞌona hāpī iŋa huru ꞌāpī! ¡Te pūai ꞌātā he haꞌatura e te tātane!».

Marko 2:11

«ꞌĪ a au he kī atu: ka eꞌa koe ki ruŋa, ka maꞌu tuꞌu raŋo, ka oho ki tuꞌu hare».

Ruka 13:13

He haka eke a Ietū i tōꞌona rima ki ruŋa o rā viꞌe. ꞌI tū hora ꞌā he māroa riva-riva ꞌe he haꞌamata he haꞌahana-hana ki te ꞌAtua.

Ruka 17:15

E tahi o rā nuꞌu, i takeꞌa era ko ora ꞌā a ia, he hoki he oho koia ko te haꞌahana-hana i te ꞌAtua hai reꞌo pūai.

Ruka 5:26

He māere te nuꞌu taꞌatoꞌa o rā kona koia ko riꞌa-riꞌa; he haꞌahana-hana ki te ꞌAtua ꞌe he kī: «¡ꞌI ꞌaŋarīnā i takeꞌa ai e tātou i te meꞌe hopeꞌa o te nui-nui!».

Ruka 7:16

I takeꞌa era e te nuꞌu i tū meꞌe era, he māere ananake ꞌe he haꞌahana-hana i te ꞌAtua he kī: «ꞌĪ te perofeta nui-nui e tahi ꞌi roto i a tātou». ꞌE he kī takoꞌa: «Ko tuꞌu mai ꞌana te ꞌAtua mo hāꞌūꞌū ki tōꞌona taŋata».

Iovani 7:31

Ka ai atu pē ira, meꞌe rahi nuꞌu i haka moe i te manaꞌu ꞌi ruŋa i a ia, ꞌe e kī era: «Ka oho mai ena te Kiritō, ¿e aŋa rō hō i te meꞌe ꞌata hau rō atu ki te meꞌe aŋa e ia?».

Iovani 9:32

Mai te haꞌamata iŋa ꞌā o te ao kai ŋaroꞌa mai ꞌana o ruŋa o te taŋata haka ora i te mata o te kope i poreko ai e matapō rō ꞌā.

Aŋa o te ꞌĀpōtoro 4:21

ꞌE, ꞌi te taꞌe ꞌite o tū nuꞌu ra-rahi era pē hē a rāua ana haka ūtuꞌa i a kuā Pētero ꞌo riri te nuꞌu, he haka riꞌa-riꞌa haka ꞌou ꞌe ꞌai ka haka eꞌa. Te taŋata taꞌatoꞌa, paꞌi, e haꞌahana-hana ꞌana ki te ꞌAtua o ruŋa o tū meꞌe topa era, ꞌo ira te nuꞌu ra-rahi e riꞌa-riꞌa era.