Marko 16:6 - Rapa Nui

⁶ He kī e rā taŋata: «ꞌIna ko riꞌa-riꞌa. A kōrua e kimi ꞌana i a Ietū era o Nātāreta, kope veo era ꞌi ruŋa i te tātaurō. A ia ko ora haka ꞌou ꞌā; ꞌina o nei. Ka uꞌi nō a te kona haka rē era i a ia».

Marko 16:6 Iomraidhean Croise

Māteo 12:40

Pa he noho iŋa e toru mahana o Hōnā ꞌi roto i te ika nui-nui, pē ira takoꞌa te Poki o te taŋata ka noho ena e toru mahana ꞌi te kona muraki i a ia.

Marko 1:24

—¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Marko 1:27

He riꞌa-riꞌa te nuꞌu taꞌatoꞌa koia ko ꞌui ki a rāua ꞌā: «¿He aha nei? ¡Te huru o tōꞌona hāpī iŋa huru ꞌāpī! ¡Te pūai ꞌātā he haꞌatura e te tātane!».

Marko 10:34

E haka ka-kata rō, e ꞌā-ꞌanu rō, e tiŋaꞌi rō hai ꞌuaka, ꞌe e tiŋaꞌi e haka mate rō; ꞌe, ꞌi te toru mahana, he ora haka ꞌou».

Marko 14:33

He maꞌu ia e Ietū ꞌi muri i a ia i a Pētero, i a ⌊Tanatiako⌋ ꞌe i a Iovani. E oho nō ꞌā ananake he oꞌo te riꞌa-riꞌa ki a Ietū ꞌi te manaꞌu ki te ꞌati ka topa era ki a ia ꞌe he ŋaroꞌa ꞌina ōꞌona haŋu toe mo ꞌamo i rā ꞌati.

Marko 9:15

I takeꞌa era i a Ietū e te nuꞌu taꞌatoꞌa, he māere ꞌe he tāhuti ki muri he ꞌaroha.

Ruka 24:46

he kī: «Pē nei i pāpaꞌi ai: e mate rō te Kiritō, e ora haka ꞌou rō ꞌi te toru mahana,

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

Aŋa o te ꞌĀpōtoro 4:10

ꞌĪ a māua he kī atu ꞌi muꞌa i a kōrua ꞌe ꞌi muꞌa i te taŋata taꞌatoꞌa o Itaraera: te taŋata nei e māroa atu ena ꞌi muꞌa o kōrua i ora ai hai ꞌīŋoa o Ietū Kiritō o Nātāreta tiŋaꞌi e kōrua ꞌi ruŋa i te tātaurō, ꞌe haka ora e te ꞌAtua mai te mate.