Marko 15:1 - Rapa Nui

¹ ꞌI te pō era ꞌā, i oti era te haꞌaꞌau o te ⌊nūnaꞌa taŋata i a rāua te kī iŋa hopeꞌa o te haka tere hūrio⌋: he nuꞌu ⌊oromatuꞌa ra-rahi⌋, he nuꞌu pūꞌoko haka tere hūrio ꞌe he ⌊maꞌori o te haka tere hūrio⌋, he maꞌu i a Ietū e here-here rō ꞌā, ꞌe he vaꞌai ki a Pirato, he suerekao rōmano.

Marko 15:1 Iomraidhean Croise

Māteo 5:22

ꞌE, ꞌī a au he kī atu: he haka ūtuꞌa e te ꞌAtua i te kope riri mo te rua. ꞌE te kope vā-vā ꞌe kī i te maꞌa-maꞌa o te rua he ture e te ⌊nūnaꞌa taŋata i a rāua te kī iŋa hopeꞌa o te haka tere hūrio⌋. Te kope haka haꞌamā ꞌe kī i te taꞌe hauhaꞌa o te rua te ūtuꞌa tano mōꞌona he pōꞌauahi.

Ruka 22:66

I ꞌōtea era he taka-taka tahi te ⌊nūnaꞌa taŋata i a rāua te kī iŋa hopeꞌa o te haka tere hūrio⌋: he nuꞌu pūꞌoko haka tere hūrio, he oromatuꞌa ra-rahi, ꞌe he maꞌori o te haka tere hūrio. He maꞌu ia i a Ietū ki muꞌa o rā nūnaꞌa. ꞌI ira i kī ai:

Aŋa o te ꞌĀpōtoro 3:13

Te ꞌAtua o ⌊ꞌAparahama⌋, o Itaꞌata, o Hākovo, tupuna o tātou, ko haka nui-nui ꞌā i tōꞌona tāvini ko Ietū vaꞌai e kōrua ki te nuꞌu ra-rahi ꞌe taꞌe haŋa e kōrua ꞌi te hora haŋa e Pirato mo haka eꞌa.