Marko 14:1 - Rapa Nui

¹ E rua mahana toe mo te ⌊ŋoŋoro he Pakate⌋, ŋoŋoro kai i te haraoa ꞌina he revaura. Te ⌊oromatuꞌa ra-rahi⌋ ananake ko te ⌊maꞌori o te haka tere hūrio⌋ e kimi ꞌana i te rāveꞌa mo ꞌa-ꞌaru hai reo-reo i a Ietū ꞌe mo tiŋaꞌi mo haka mate.

Marko 14:1 Iomraidhean Croise

Māteo 12:14

I eꞌa era tū nuꞌu fariseo era, he haꞌamata he uꞌi i te rāveꞌa mo tiŋaꞌi mo haka mate i a Ietū.

Māteo 6:2

»ꞌO ira, hora ena ōꞌou mo hāꞌūꞌū ki te nuꞌu veve, ꞌina ko haka ꞌite ki te tētahi, pa he meꞌe aŋa ꞌi roto i te ⌊hare pure hūrio⌋ ꞌe ꞌi te ara e te nuꞌu riva a te haho nō mo takeꞌa e te nuꞌu mo vānaŋa riva-riva o ruŋa i a rāua. ꞌĪ a au he kī atu: he vānaŋa riva-riva o te nuꞌu te meꞌe mau nō mo haka koa i a rāua.

Marko 14:12

ꞌI te mahana raꞌe o te ŋoŋoro kai i te haraoa ꞌina he revaura, he mahana tiŋaꞌi i te māmoe mo te Pakate, he ꞌui e tāꞌana nuꞌu hāpī ki a Ietū: —¿ꞌI hē mātou ana aŋa i te tātou kai mo te Pakate?

Marko 14:2

I ai rō tētahi o rā nuꞌu i kī mo taꞌe ꞌa-ꞌaru ꞌi rā ŋā mahana era o te ŋoŋoro ꞌo tātake ꞌe ꞌo moto te taŋata.

Iovani 11:47

Te fariseo ꞌe te ⌊oromatuꞌa⌋ ra-rahi he haka taka-taka tahi i te ⌊nūnaꞌa taŋata i a rāua te kī iŋa hopeꞌa o te haka tere hūrio⌋ ꞌe he kī: —¿He aha te tātou meꞌe ka aŋa nei? Ko rahi ꞌā te mana aŋa e te taŋata era.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Aŋa o te ꞌĀpōtoro 12:4

I ꞌa-ꞌaru era i a Pētero, he haka puru e ꞌErore ꞌi roto i te hare maꞌuꞌaurī ꞌe he haka ꞌauario hai nūnaꞌa vaꞌehau e hā, e hā vaꞌehau ka tahi nūnaꞌa. Te manaꞌu: ki oti te ŋoŋoro o te Pakate ana ture ꞌi muꞌa i te taŋata taꞌatoꞌa.