Marko 13:8 - Rapa Nui

⁸ Te nuꞌu o te henua e tahi e moto rō ki te nuꞌu o te rua henua, ꞌe he tamaꞌi te ꞌariki o te kona e tahi ki te ꞌariki o te rua kona. ꞌE meꞌe rahi nō atu kona ka mākenu-kenu ena te henua, ꞌe he ai te maruaki. He haꞌamata iŋa iho rā o te ꞌati mo topa mai.

Marko 13:8 Iomraidhean Croise

Māteo 24:8

He haꞌamata iŋa iho rā o te ꞌati mo topa mai.

Marko 13:7

»Ka ŋaroꞌa ena e kōrua i te parau ꞌāpī ko tamaꞌi ꞌā a nei ꞌe a rā, ꞌina kōrua ko riꞌa-riꞌa. He topa mau ꞌā te meꞌe ena. ꞌE, ka ai atu pē ira, kai hāhine ꞌā te hopeꞌa o te ao nei.

Marko 13:9

»E hāpaꞌo kōrua i a kōrua ꞌā. Nā e vaꞌai rō i a kōrua ki te rima o te nuꞌu ra-rahi o tātou o te ⌊hūrio⌋ ꞌe e tōtōā rō i a kōrua ꞌi roto i te hare pure. E maꞌu rō mo ture e te suerekao ꞌe e te ꞌariki ꞌo te ai o kōrua he nuꞌu hāpī ꞌāꞌaku. ꞌI rā hora ka haka ꞌite ena kōrua ki a rāua o ruŋa i a au.

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

1 Tētārōnika 5:3

E kī nō ꞌā e te nuꞌu pē nei ē: «ꞌIna he tamaꞌi ꞌe ꞌina he meꞌe mo riꞌa-riꞌa iŋa», ꞌi rā hora, mā te taꞌe ꞌite, he topa te ꞌati ꞌi ruŋa i a rāua, pa he hora o te huki iŋa o te tūātoto o te hānautama, ꞌe e ko ravaꞌa mo eꞌa mai rā ꞌati.

Meꞌe Haka Takeꞌa 6:4

He eꞌa mai te hoi haka ꞌou e tahi, hoi mea-mea. ꞌE he vaꞌai ki te kope eke o ruŋa i rā hoi i te parau mo haka kore i te haumārū mai te ao, ki moto ai te taŋata ꞌe ki tīŋaꞌi-ŋaꞌi ai i a rāua. ꞌE he vaꞌai takoꞌa i te hoe roa-roa e tahi.