Marko 13:7 - Rapa Nui

⁷ »Ka ŋaroꞌa ena e kōrua i te parau ꞌāpī ko tamaꞌi ꞌā a nei ꞌe a rā, ꞌina kōrua ko riꞌa-riꞌa. He topa mau ꞌā te meꞌe ena. ꞌE, ka ai atu pē ira, kai hāhine ꞌā te hopeꞌa o te ao nei.

Marko 13:7 Iomraidhean Croise

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Māteo 2:3

I ŋaroꞌa era e te ꞌariki ko ꞌErore i rā parau ꞌāpī, he veveri he taꞌe au, ꞌe pē ira takoꞌa ꞌana te taŋata taꞌatoꞌa o ira.

Marko 13:6

Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: “He Kiritō au”. E rahi rō te nuꞌu ka haka maꞌa-maꞌa ena.

Marko 13:8

Te nuꞌu o te henua e tahi e moto rō ki te nuꞌu o te rua henua, ꞌe he tamaꞌi te ꞌariki o te kona e tahi ki te ꞌariki o te rua kona. ꞌE meꞌe rahi nō atu kona ka mākenu-kenu ena te henua, ꞌe he ai te maruaki. He haꞌamata iŋa iho rā o te ꞌati mo topa mai.

Iovani 14:1

«ꞌIna kōrua ko mana-manaꞌu ꞌo māui-ui te kōrua māhatu. Ka haka moe nō te kōrua manaꞌu ꞌi ruŋa i te ꞌAtua ꞌe ꞌi ruŋa i a au.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Aŋa o te ꞌĀpōtoro 17:3

He haka aŋi-aŋi e Pauro i te meꞌe kī ꞌi ruŋa i te Pāpaꞌi Moꞌa pē nei ē: te Kiritō e mate rō ꞌe ki mate, e ora haka ꞌou rō. He kī: «Te Kiritō ko te Ietū nei e au e haka ꞌite atu ena».