Marko 13:12 - Rapa Nui

¹² »ꞌI rā ŋā mahana, e vaꞌai rō e te taina i tōꞌona taina ki te rima o te nuꞌu mo tiŋaꞌi mo mate, ꞌe pē ira ꞌana te matuꞌa i te rāua ŋā poki. ꞌE te ŋā poki e ꞌenemī rō mo te rāua matuꞌa ꞌe e vaꞌai rō ki te nuꞌu mo tiŋaꞌi mo mate.

Marko 13:12 Iomraidhean Croise

Māteo 10:21

»ꞌI rā ŋā mahana, te taina he vaꞌai i tōꞌona taina ki te mate, ꞌe te matuꞌa i tāꞌana poki; ꞌe te ŋā poki he haka ꞌāriŋa ꞌe he vaꞌai takoꞌa i te rāua matuꞌa ki te mate.

Māteo 24:10

ꞌI rā ŋā mahana meꞌe rahi nuꞌu ka taꞌe haka moe haka ꞌou ena i te manaꞌu ꞌi ruŋa i te ꞌAtua; te taŋata e maꞌu rō i te riri mo te rua ꞌe e vaꞌai rō e te kope e tahi i te rua ki te rima o te taŋata taꞌe haŋa ki rā rua kope era.

Marko 13:11

»Hora era ko vaꞌai ꞌā i a kōrua ki te rima o te nuꞌu ra-rahi, ꞌina ko manaꞌu he aha te meꞌe mo kī. Ka kī nō kōrua i te vānaŋa ka haka ꞌite atu ena e te ꞌAtua ꞌi rā hora; taꞌe ko kōrua, paꞌi, te meꞌe ka vānaŋa era, he ⌊Vārua Maitai⌋.

Marko 13:13

Te taŋata o te henua taꞌatoꞌa e maꞌu rō i te riri mo kōrua he haka moe o kōrua i te manaꞌu ꞌi ruŋa i a au. ꞌE te kope haka moe oho nō i tōꞌona manaꞌu ꞌātā ki te hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 21:16

»ꞌI rā ŋā mahana ꞌātā te kōrua matuꞌa, taina, huaꞌai ꞌe repahoa he vaꞌai i a kōrua ki te rima o te nuꞌu taꞌe haŋa atu. ꞌE tētahi o kōrua e tiŋaꞌi e haka mate rō.