Marko 13:11 - Rapa Nui

¹¹ »Hora era ko vaꞌai ꞌā i a kōrua ki te rima o te nuꞌu ra-rahi, ꞌina ko manaꞌu he aha te meꞌe mo kī. Ka kī nō kōrua i te vānaŋa ka haka ꞌite atu ena e te ꞌAtua ꞌi rā hora; taꞌe ko kōrua, paꞌi, te meꞌe ka vānaŋa era, he ⌊Vārua Maitai⌋.

Marko 13:11 Iomraidhean Croise

Māteo 10:17

»E uꞌi kōrua e hāpaꞌo. E vaꞌai rō, paꞌi, i a kōrua ki te rima o te nuꞌu ra-rahi ꞌe he tiŋaꞌi atu ꞌi roto i te ⌊hare pure hūrio⌋.

Marko 13:12

»ꞌI rā ŋā mahana, e vaꞌai rō e te taina i tōꞌona taina ki te rima o te nuꞌu mo tiŋaꞌi mo mate, ꞌe pē ira ꞌana te matuꞌa i te rāua ŋā poki. ꞌE te ŋā poki e ꞌenemī rō mo te rāua matuꞌa ꞌe e vaꞌai rō ki te nuꞌu mo tiŋaꞌi mo mate.

Marko 13:9

»E hāpaꞌo kōrua i a kōrua ꞌā. Nā e vaꞌai rō i a kōrua ki te rima o te nuꞌu ra-rahi o tātou o te ⌊hūrio⌋ ꞌe e tōtōā rō i a kōrua ꞌi roto i te hare pure. E maꞌu rō mo ture e te suerekao ꞌe e te ꞌariki ꞌo te ai o kōrua he nuꞌu hāpī ꞌāꞌaku. ꞌI rā hora ka haka ꞌite ena kōrua ki a rāua o ruŋa i a au.

Ruka 21:12

»ꞌI raꞌe ki te topa o te ŋā meꞌe nei, he tute i a kōrua mo ꞌa-ꞌaru mo tōtōā. He maꞌu mo ture ꞌi roto i te ⌊hare pure hūrio⌋, ꞌe he puru ꞌi roto i te hare maꞌuꞌaurī. E maꞌu takoꞌa rō i a kōrua ki muꞌa o te ꞌariki ꞌe o te suerekao o ruŋa ōꞌoku.

Iovani 3:27

He kī e Iovani: —Mo ai rō o te pūai o te taŋata e tahi, o te ꞌAtua i vaꞌai.

Aŋa o te ꞌĀpōtoro 2:4

He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

Aŋa o te ꞌĀpōtoro 3:13

Te ꞌAtua o ⌊ꞌAparahama⌋, o Itaꞌata, o Hākovo, tupuna o tātou, ko haka nui-nui ꞌā i tōꞌona tāvini ko Ietū vaꞌai e kōrua ki te nuꞌu ra-rahi ꞌe taꞌe haŋa e kōrua ꞌi te hora haŋa e Pirato mo haka eꞌa.

Aŋa o te ꞌĀpōtoro 4:31

I oti era te pure ananake, he makenu tū kona era ꞌi ira a rāua, he ꞌī tahi ananake e te pūai o te Vārua Maitai, ꞌe he haꞌamata he haka ꞌite he oho i te vānaŋa o te ꞌAtua ꞌina he riꞌa-riꞌa.

Aŋa o te ꞌĀpōtoro 6:10

ꞌE, ꞌina he ravaꞌa i a ia; e vānaŋa era, paꞌi, hai mārama-rama o te Vārua Maitai.

Aŋa o te ꞌĀpōtoro 6:15

Te nuꞌu ra-rahi ꞌe te nuꞌu taꞌatoꞌa ꞌi tū kona era, i uꞌi era a ruŋa i a ꞌĒteva, he takeꞌa i te ꞌāriŋa pa he ꞌāriŋa merahi ꞌā.

Aŋa o te ꞌĀpōtoro 7:55

ꞌE, a ꞌĒteva, ko ꞌī ꞌana e te pūai o te Vārua Maitai, he uꞌi a te raŋi he takeꞌa i te ꞌana-ꞌana o te ꞌAtua ꞌe i a Ietū e māroa rō ꞌana ꞌi te pāꞌiŋa mataꞌu.

1 Kōrinto 2:13

ꞌO ira, hora ena o mātou e hāpī ena o ruŋa i te ꞌAtua, e vānaŋa nei hai vānaŋa haka ꞌite mai e te Vārua Maitai, taꞌe hai vānaŋa mārama-rama hāpī mai e te taŋata. Pē ira e haꞌaauraꞌa nei i te meꞌe o te ꞌAtua hai vānaŋa vaꞌai mai e te Vārua Maitai.

Ēfeto 3:5

he meꞌe taꞌe haka ꞌite era ki te taŋata ꞌi muꞌa ꞌā, ꞌe, ꞌi te hora nei, ko haka ꞌite ꞌana e te ꞌAtua ki tāꞌana ⌊ꞌāpōtoro⌋ ꞌe ki te perofeta hai ⌊Vārua Maitai⌋.

Tanatiako 1:5

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.